Bugun,

  • USD 11095.31
  • RUB 173.84
  • EUR 10772.44

Qozog‘iston Tashqi ishlar vazirligi (TIV) rasmiy vakili Aybek Smadiyarov Kollektiv xavfsizlik shartnomasi tashkiloti (KXSHT) kuchlarining Rossiya-Ukraina nizosida qatnashishi masalasi kun tartibida mavjud emasligini ma’lum qildi, deb yozadi Tengrinews.

Foto: Tengrinews

Foto: Tengrinews

“Qozog‘iston xalqaro huquq va BMT ustaviga muvofiq, davlatning hududiy yaxlitligi va suveren tengligi tamoyillaridan kelib chiqadi. Umuman olganda, KXSHTning mas’uliyat zonasi tashkilotga a’zo davlatlarning xalqaro tan olingan hududlari bilan chegaralangan, va kollektiv xavfsizlik ushbu hududlar ichkarisida ta’minlanadi. Shu tariqa, KXSHTning Rossiya-Ukraina nizosidagi ishtiroki kun tartibida yo‘q”, — dedi u.

Shuningdek, Smadiyarov bir qancha “kvazidavlatlar” hududlarida Rossiyaga qo‘shilish haqida bo‘lib o‘tgan referendumlar yuzasidan Qozog‘istonning pozitsiyasini ma’lum qildi.

“Bizning pozitsiyamiz o‘zgargani yo‘q. Bu masalada Qozog‘iston davlatlarning hududiy yaxlitligi, ularning suveren tengligi hamda xalqaro huquq va BMT nizomiga muvofiq tinch yashashi tamoyillariga amal qiladi. Rossiya va Ukraina o‘rtasida siyosiy muloqotni yo‘lga qo‘yishga maksimal darajada tayyorligimizni yana bir marta tasdiqlaymiz. Shu bilan birga, bizning mamlakatimiz barqarorlikni global darajada saqlab qolishni eng muhim vazifa deb hisoblaydi. Shuning uchun ham pozitsiyamiz o‘zgarishsiz qoldi”, — deya qo‘shib qo‘ydi TIV vakili.

Avvalroq Qozog‘iston Mudofaa vazirligi, go‘yoki, Rossiyaga harbiy texnika yuborilayotgani aks etgan video yuzasidan izoh bergan va bunday xabarlarni rad etgandi.

Shuningdek, Qozog‘iston Tashqi ishlar vazirligi respublika, go‘yoki, Kollektiv xavfsizlik shartnomasi tashkiloti (KXSHT) a’zoligidan chiqishi haqidagi axborotni rad etgan edi.

KXSHT nima?

Kollektiv xavfsizlik shartnomasi tashkiloti — ayni paytda Armaniston, Belarus, Qozog‘iston, Qirg‘iziston, Rossiya va Tojikistonni o‘z ichiga olgan Yevrosiyo hukumatlararo harbiy ittifoqi. Tashkilotni tuzish haqidagi shartnoma 1992-yil 15-mayda imzolangan.

KXSHT maqsadlari tinchlikni, xalqaro va mintaqaviy xavfsizlik va barqarorlikni mustahkamlash, a’zo davlatlar mustaqilligi, hududiy yaxlitligi va suverenitetini kollektiv asosda himoyalashdan iborat.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Dunyo
Pablo Eskobar buyrug‘i bilan portlatilgan Boeing, “Nevskiy ekspress” poyezdidagi terakt va sovet hukumatiga qarshi boshlangan Slutsk qo‘zg‘oloni. Kun xronologiyasi...
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi