Bugun,

  • USD 11095.31
  • RUB 173.84
  • EUR 10772.44

Bugungi qahramonlar maktabning oddiy o‘qituvchilaridan dunyoga mashhur yulduzlariga aylangan. Harper’s Bazaar Kazakhstan nashri ularning qanday qilib o‘z hayotlarini tubdan o‘zgartirishga muvaffaq bo‘lgani haqidagi hikoyalar bilan bo‘lishdi.

Jin Simmons

Foto: Harper’s Bazaar Kazakhstan

Foto: Harper’s Bazaar Kazakhstan

Minglab odamlar oldida grim va charm shimlarda chiqishdan oldin Kiss rok guruhining vokalchisi Nyu-Yorkning Upper West Side shahridagi davlat maktabida olti oy dars bergan.

“Olti oydan keyin ketganimning boisi, men nega o‘qituvchi bo‘lganimning haqiqiy sababini topgandim, — dedi Simmons 1978-yil iyun oyida bergan intervyularidan birida. — Sababi men sahnaga chiqishni va odamlarning menga e’tibor berishini xohlardim. Maktabda sahna juda kichkina bo‘lgani uchun ketishga majbur bo‘ldim. Men uchun 40 ta odam kamlik qildi, ular 400 mingta bo‘lishi kerak edi”.

Silvestr Stallone

Foto: Harper’s Bazaar Kazakhstan

Foto: Harper’s Bazaar Kazakhstan

18 yoshida “Rokki” serialining ijodkori Shveysariyadagi qizlar internat maktabida jismoniy tarbiya o‘qituvchisi va yotoqxonada nazoratchisi sifatida ishlagan. Ta’lim muassasasida ishlash unga aktyorlikka bo‘lgan muhabbatini topishga yordam berdi. Silvestr bu yangi sevimli mashg‘ulotiga jiddiy yondashdi va hatto Mayami universitetiga o‘qishga kirdi.

Sheril Krou

Foto: Harper’s Bazaar Kazakhstan

Foto: Harper’s Bazaar Kazakhstan

O‘tgan asrning 80-yillarda bo‘lajak to‘qqiz karra “Gremmi” g‘olibi butun ish haftasida musiqadan dars bergan va dam olish kunlarida konsertlar taqdim etgan. Keyinchalik qo‘shiqchi o‘qituvchilik faoliyatini tark etdi va o‘zini butunlay musiqaga bag‘ishladi.

Billi Kristal

Foto: Harper’s Bazaar Kazakhstan

Foto: Harper’s Bazaar Kazakhstan

Mashhur aktyorning hayotini tashkil etuvchi ko‘plab qiziqarli voqealar orasida uning Long-Bichda o‘qituvchi yordamchisi bo‘lib ishlagan davrini topish mumkin. Bu, albatta, “Oskar” marosimida to‘qqiz marta ishtirok etgan va Jey Lenonning “Kechki shou”sida birinchi mehmon bo‘lgan odam uchun ajoyib hikoya.

Stiven King

Foto: Harper’s Bazaar Kazakhstan

Foto: Harper’s Bazaar Kazakhstan

O‘zining g‘ayritabiiy dahshatli romanlari bilan tanilgan King 1971-yilning kuzida yozuvchi sifatidagi faoliyatini to‘xtatib, dars berishni tanladi. Stiven Men shtatidagi Xampden akademiyasida o‘rta maktab ingliz tili o‘qituvchisi edi. U 1973-yil bahorigacha o‘qituvchilik qilishni davom ettirdi, faqatgina “Kerri” romanining katta sotuvi uni ishdan bo‘shatib, to‘liq vaqt davomida yozishni boshlashga majbur qildi.

Xyu Jekman

Foto: Harper’s Bazaar Kazakhstan

Foto: Harper’s Bazaar Kazakhstan

Gollivudning taniqli yulduziga aylanishdan oldin Jekman 1987-yilda Uppingham School deb nomlangan Britaniya maktab-internatida o‘qituvchi yordamchisi bo‘lib ishlagan. Aktyorning o‘zi 18 yoshli avstraliyalik bo‘lib, u britaniyalik bolalarga ingliz tilini o‘rgatgan, rostini aytganda, bu unga unchalik yoqmagan.

Liam Nison

Foto: Harper’s Bazaar Kazakhstan

Foto: Harper’s Bazaar Kazakhstan

O‘nlab yillar davomida Gollivud aktyori bo‘lish Nisonning o‘qituvchilik uchun sarflagan ikki yili bilan solishtirganda hech narsa emas. Nison 15 yoshli o‘spirin unga pichoq o‘qtalgani uchun mushtlashgan voqeani aytib, o‘qituvchilikni o‘zi bajargan “eng og‘ir ish” deb ataydi.

Joan Rouling

Foto: Harper’s Bazaar Kazakhstan

Foto: Harper’s Bazaar Kazakhstan

1990-yilda Rouling Garri Potter haqidagi g‘oyani Manchesterdan Londonning  King-Kross poyezdiga o‘tirganida o‘ylab topgan. Rouling keyingi besh yil davomida o‘zining juda muvaffaqiyatli kitoblar to‘plamini rejasini tuzdi. Bu vaqt ichida u ingliz tilini o‘rgatish uchun Portugaliya shimoliga ko‘chib o‘tdi.

So‘ngra u turmushga chiqdi, qizi dunyoga kelgach ajrashdi va Edinburg maktablarida dars berish uchun Buyuk Britaniyaga qaytib keldi va iloji boricha ko‘proq yozishga harakat qildi. Uning dars berishni tanlashi omon qolishga yordam bergan bo‘lsa, Garri Potter haqidagi asarlar to‘plami jahonga mashhur qildi.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi