Ukraina iqtisodiy o‘sish prognozi sezilarli darajada pasaytirildi
Yevropa tiklanish va taraqqiyot banki (YTTB) Ukraina iqtisodiyotining 2023-yilda o‘sish prognozini avval kutilgan 25 foizdan 8 foizga tushirdi. Bu haqda “Daryo”ga bankning yangilangan prognozidan ma’lum bo‘ldi.
2023-yil uchun YTTB Ukraina iqtisodiy tiklanish prognozini may oyida ko‘zda tutilgan yuqori 25 foizdan 8 foizga tushirdi, o‘shanda jiddiy tiklanish ishlari olib borilishi kutilgan edi.
Reytingning pasayishi kelajakka oid noaniqlik Ukrainaning iqtisodiy istiqboliga qanchalik ta’sir qilayotganidan dalolatdir.
YTTB tahlilchilariga ko‘ra, Ukrainadagi jangovar harakatlar tufayli mamlakat yalpi ichki mahsuloti 2022-yilning birinchi choragida o‘tgan yilning shu davriga nisbatan 15,1 foizga, ikkinchi chorakda esa 37,2 foizga kamaydi.
Iqtisodiy faollik hatto logistika muammolari, moliyaviy qiyinchiliklar va ishchi kuchi yetishmovchiligi tufayli urushlar bo‘lmagan hududlarda ham jiddiy ravishda to‘xtab qoldi, — deyiladi bank xabarida.
Sentabr oyi boshida Ukraina prezidentining iqtisodiy maslahatchisi Oleg Ustenko mamlakat yalpi ichki mahsulotining maksimal hajmi 2021-yilda qayd etilganini aytdi – taxminan 200 milliard dollar.
Uning so‘zlariga ko‘ra, bu miqdor 2022-yilda kamida 6-7 foizga oshishi kutilgan edi.
Ustenkoning qo‘shimcha qilishicha, Iqtisodiyot vazirligi Ukraina yalpi ichki mahsulotining avvalgi darajasi ehtimoliy tiklanishi harbiy harakatlar to‘xtatilgandan keyin uch yil ichida sodir bo‘ladi, deb hisoblaydi.
