Bugun,

  • USD 11095.31
  • RUB 173.84
  • EUR 10772.44

26-sentyabr kuni Toshkentda Britaniya kengashining 2022/2023-yillar bitiruvchilari mukofotlari taqdimotining boshlanishiga bag‘ishlangan matbuot anjumani bo‘lib o‘tdi.

Foto: Britaniya kengashi

Foto: Britaniya kengashi

Britaniya kengashi kelgusi olti oyga mo‘ljallangan rejalari bilan o‘rtoqlashdi. Matbuot anjumanida Britaniya kengashining O‘zbekistondagi direktori Denis Voddingem O‘zbekistonda ingliz tilini o‘qitish va o‘rganish amaliyotini takomillashtirish bo‘yicha ta’lim dasturlarini ishlab chiqish natijalari bilan bo‘lishdi.

“Biz O‘zbekistonda 26 yildan beri faoliyat yuritamiz va erishgan natijalarimizdan g‘ururlanamiz. Biz O‘zbekiston Respublikasi hukumati bilan mamlakatdagi ta’lim muassasalarida ingliz tilini o‘qitish bo‘yicha o‘quv dasturlarini takomillashtirish bo‘yicha faol ish olib bormoqdamiz. Buni turli yondashuvlar, ayniqsa ingliz tilini bevosita o‘rgatadigan o‘qituvchilarga yordam berish orqali qilamiz. Biz ularning pedagogik mahoratini oshirishga va yaxshilashga harakat qilamiz. Xususan, biz butun mamlakat bo‘ylab minglab o‘zbek ingliz tilini o‘rganuvchilarga yordam beramiz, ingliz tili o‘qituvchilarini qo‘llab-quvvatlaymiz va xalqaro miqyosda tan olingan imtihonlarni o‘tkazamiz”, — deydi Denis.

Britaniya kengashi direktori o‘rinbosari Jamila G‘ulomova, o‘z navbatida, Britaniya kengashi faoliyatidagi uchta asosiy yo‘nalish haqida batafsil to‘xtalib o‘tdi va Britaniya kengashining 2022/2023-yillardagi bitiruvchilarni taqdirlash bo‘yicha joriy loyihasi bo‘yicha ma’lumot berdi.

“Britaniya kengashi bir qator ta’lim loyihalarini amalga oshirmoqda, jumladan, oliy ta’limda islohotlarni qo‘llab-quvvatlash va sifatni ta’minlashda tajriba almashish va salohiyatni oshirish bo‘yicha Oliy va o‘rta ta’lim vazirligi bilan hamkorlik qiladi. Biz O‘zbekiston va Buyuk Britaniya universitetlari o‘rtasida ijodiy ta’lim sohasida to‘g‘ridan-to‘g‘ri hamkorlikni yo‘lga qo‘yish, transmilliy ta’limni rivojlantirishni qo‘llab-quvvatlash borasida katta ishlarni amalga oshirmoqdamiz. Biz Bitiruvchilarni mukofotlash dasturini ikkinchi marta boshlayapmiz. Buyuk Britaniya bitiruvchilari mukofotlari Buyuk Britaniya dasturlari, shu jumladan transmilliy dasturlarning bitiruvchilari bo‘lgan odamlarning muvaffaqiyatlari haqida hikoyalarni o‘z ichiga oladi”, — deydi u.

Har yili 1-sentabr kuni butun dunyo bo‘ylab Buyuk Britaniyadagi oliy o‘quv yurtlari bitiruvchilarini qo‘llab-quvvatlash maqsadida xalqaro Alumni Awards mukofotining global taqdimoti boshlanadi. Mukofot ishtirokchilari Britaniya universitetida o‘qish bo‘yicha o‘z bilim va tajribasini o‘z mamlakati taraqqiyoti yo‘lida ishlatadigan o‘z sohasi mutaxassislaridir.

Bu yil bitiruvchilarni taqdirlash O‘zbekistonda ikkinchi bor o‘tkaziladi. Milliy mukofot g‘oliblari 2022-yil fevral oyida quyidagi nominatsiyalar bo‘yicha e’lon qilinadi:

  • ilm-fan va barqaror rivojlanishga qo‘shgan hissasi uchun mukofot;
  • madaniyat va ijodga qo‘shgan hissasi uchun mukofot;
  • faol ijtimoiy ish uchun mukofot;
  • biznesni rivojlantirish va innovatsiyalarga qo‘shgan hissasi uchun mukofot.
Har bir nominatsiya bo‘yicha milliy mukofot g‘oliblari bo‘lgan to‘rtta finalchi xalqaro mukofot uchun nomzodlar ro‘yxatiga kiritiladi va ming yevro pul mukofoti oladi.

Alumni Awards — o‘z faoliyat sohasida va undan tashqarida o‘zining professional va yetakchilik fazilatlari hamda yutuqlari bilan ajralib turgan Buyuk Britaniya universitetlari bitiruvchilari uchun maxsus tanlovdir. Mukofot Britaniya oliy ta’limining ta’siri va qiymatini aks ettiradi va Buyuk Britaniya universitetlari bitiruvchilarining xalqaro obro‘sini oshiradi.

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi