26-сентябр куни Тошкентда Британия кенгашининг 2022/2023 йиллар битирувчилари мукофотлари тақдимотининг бошланишига бағишланган матбуот анжумани бўлиб ўтди.
Британия кенгаши келгуси олти ойга мўлжалланган режалари билан ўртоқлашди. Матбуот анжуманида Британия кенгашининг Ўзбекистондаги директори Денис Воддингем Ўзбекистонда инглиз тилини ўқитиш ва ўрганиш амалиётини такомиллаштириш бўйича таълим дастурларини ишлаб чиқиш натижалари билан бўлишди.
«Биз Ўзбекистонда 26 йилдан бери фаолият юритамиз ва эришган натижаларимиздан ғурурланамиз. Биз Ўзбекистон Республикаси ҳукумати билан мамлакатдаги таълим муассасаларида инглиз тилини ўқитиш бўйича ўқув дастурларини такомиллаштириш бўйича фаол иш олиб бормоқдамиз. Буни турли ёндашувлар, айниқса инглиз тилини бевосита ўргатадиган ўқитувчиларга ёрдам бериш орқали қиламиз. Биз уларнинг педагогик маҳоратини оширишга ва яхшилашга ҳаракат қиламиз. Хусусан, биз бутун мамлакат бўйлаб минглаб ўзбек инглиз тилини ўрганувчиларга ёрдам берамиз, инглиз тили ўқитувчиларини қўллаб-қувватлаймиз ва халқаро миқёсда тан олинган имтиҳонларни ўтказамиз», — дейди Денис.
Британия кенгаши директори ўринбосари Жамила Ғуломова, ўз навбатида, Британия кенгаши фаолиятидаги учта асосий йўналиш ҳақида батафсил тўхталиб ўтди ва Британия кенгашининг 2022/2023 йиллардаги битирувчиларни тақдирлаш бўйича жорий лойиҳаси бўйича маълумот берди.
«Британия кенгаши бир қатор таълим лойиҳаларини амалга оширмоқда, жумладан, олий таълимда ислоҳотларни қўллаб-қувватлаш ва сифатни таъминлашда тажриба алмашиш ва салоҳиятни ошириш бўйича Олий ва ўрта таълим вазирлиги билан ҳамкорлик қилади. Биз Ўзбекистон ва Буюк Британия университетлари ўртасида ижодий таълим соҳасида тўғридан-тўғри ҳамкорликни йўлга қўйиш, трансмиллий таълимни ривожлантиришни қўллаб-қувватлаш борасида катта ишларни амалга оширмоқдамиз. Биз Битирувчиларни мукофотлаш дастурини иккинчи марта бошлаяпмиз. Буюк Британия битирувчилари мукофотлари Буюк Британия дастурлари, шу жумладан трансмиллий дастурларнинг битирувчилари бўлган одамларнинг муваффақиятлари ҳақида ҳикояларни ўз ичига олади», — дейди у.
Ҳар йили 1 сентябрь куни бутун дунё бўйлаб Буюк Британиядаги олий ўқув юртлари битирувчиларини қўллаб-қувватлаш мақсадида халқаро Alumni Awards мукофотининг глобал тақдимоти бошланади. Мукофот иштирокчилари Британия университетида ўқиш бўйича ўз билим ва тажрибасини ўз мамлакати тараққиёти йўлида ишлатадиган ўз соҳаси мутахассисларидир.
Бу йил битирувчиларни тақдирлаш Ўзбекистонда иккинчи бор ўтказилади. Миллий мукофот ғолиблари 2022 йил февраль ойида қуйидаги номинациялар бўйича эълон қилинади:
- илм-фан ва барқарор ривожланишга қўшган ҳиссаси учун мукофот;
- маданият ва ижодга қўшган ҳиссаси учун мукофот;
- фаол ижтимоий иш учун мукофот;
- бизнесни ривожлантириш ва инновацияларга қўшган ҳиссаси учун мукофот.
Alumni Awards — ўз фаолият соҳасида ва ундан ташқарида ўзининг профессионал ва етакчилик фазилатлари ҳамда ютуқлари билан ажралиб турган Буюк Британия университетлари битирувчилари учун махсус танловдир. Мукофот Британия олий таълимининг таъсири ва қийматини акс эттиради ва Буюк Британия университетлари битирувчиларининг халқаро обрўсини оширади.
Изоҳ (0)