Bugun,

  • USD 11095.31
  • RUB 173.84
  • EUR 10772.44

Qozog‘iston birinchi prezidenti Nursulton Nazarboyevning jiyani Qayrat Satibaldi davlat mablag‘larini o‘zlashtirish ishi bo‘yicha olti yillik qamoq jazosiga hukm qilindi. U jazoni umumiy rejimdagi koloniyada o‘taydi, deb xabar bermoqda “ORDA.kz”

Foto: Telegram

Foto: Telegram

Prokuror Qayrat Satibaldi uchun aynan shuncha muddat jazoni talab qilgan. Sudda u o‘ziga qo‘yilgan ayblovlar bo‘yicha jinoyatni tan oldi, “Kazaktelekom”ga 12 milliard tenge (25,1 million dollar) miqdoridagi zararni qopladi va ushbu kompaniya, shuningdek, “Transport servis markazi” AJ bilan vositachilik shartnomasini tuzdi.

Nazarboyevning jiyani ishi bo‘yicha sud jarayoni 20-sentabr kuni Ostona shahrida boshlangan. Advokatning iltimosiga ko‘ra, ommaviy axborot vositalariga sud jarayonini audio va videoyozuvga tushirish taqiqlandi.

Hammasi bo‘lib besh nafar gumondor sudlangan. Tergov davomida sudlanuvchilarning noqonuniy yo‘llar bilan orttirilgan mol-mulki va 240 milliard tenge (500 million dollardan ortiq) mablag‘lari davlatga qaytarildi.

13-mart kuni Qayrat Satibaldi Qozog‘iston korrupsiyaga qarshi xizmati tomonidan mansab vakolatini suiiste’mol qilish va “Kazaktelekom” mablag‘larini o‘ta yirik miqdorda o‘g‘irlashda gumonlanib hibsga olingan edi. Ertasi kuni kompaniyaning poytaxt ofisida tintuvlar o‘tkazildi. 15-mart kuni sud Satibaldini 2 oyga hibsga olishga ko‘rsatma berdi, keyin esa bu muddat bir necha bor uzaytirildi. Bir oy o‘tgach, tadbirkor nazoratidagi firmalar “Kazaktelekom”ning 28,8 foiz ulushini davlat taassarufiga qaytardi.

Hozirda Qozog‘iston birinchi prezidentining jiyaniga nisbatan soliq va bojxona to‘lovlaridan bo‘yin tovlash, jinoiy daromadlarni legallashtirish holatlari bo‘yicha qo‘shimcha jinoiy ish qo‘zg‘atilmoqda.

Izoh
Asosiy yangiliklar
Mahalliy
Elektr va gazdan shikoyat qilgan fuqarolarni qamoq bilan “ogohlantirgan” deputat o‘z xohishiga ko‘ra ariza yozdi
Mahalliy
O‘zbekistonda ko‘chmas mulk, avtomototransportni boshqa shaxsga o‘tkazishda davlat boji miqdorlari kamaytirildi
Mahalliy
Qarshida Cobalt haydovchisi 13 yoshli qizni urib yuborib, voqea joyidan qochib ketdi (video)