Lionel Messi JCH—2022 haqida: “Arzimagan xato tufayli musobaqadan chiqib ketish mumkin”

Argentina terma jamoasi hujumchisi Lionel Messi JCH—2022 oldidan o‘z fikrlari bilan o‘rtoqlashdi.

Argentina istalgan raqib bilan to‘qnashuvga tayyor. Alohida o‘yinda bizdan nima talab qilinishini yaxshi bilamiz. Murabbiylar shtabi o‘yinlarga yaxshi tayyorgarlik ko‘rmoqda.

G‘alabalardan keyin jamoa yaxshiroq o‘ynashni boshlayapti. Hozir biz bir-birimizni yaxshi bilamiz, chunki anchadan beri birga harakat qilyapmiz.

Bizning maqsad — xuddi shu yo‘nalishda olg‘a yurish va Jahon Chempionatida iloji boricha yaxshiroq harakat qilish. Mundial qiyin musobaqa ekanini bilamiz, arzimagan xato seni turnirdan chiqarib yuborishi mumkin.

Biroq bizning jamoa istalgan raqib bilan raqobat qilish va kurashishga tayyor.

Lionel Messi, futbolchi

Argentina terma jamoasi JCH—2022 C guruhida Saudiya Arabistoni, Meksika va Polsha terma jamoalariga qarshi bahs olib boradi.