Bugun,

  • USD 11095.31
  • RUB 173.84
  • EUR 10772.44

O‘zbekistonda 2-bosqich magistratura talabalari tomonidan bu yilgi o‘quv jarayoni uchun amalga oshiriladigan to‘lov shartnoma pullari borasida tushunmovchiliklarga asoslangan xabarlar tarqalmoqda. Oliy va o‘rta maxsus ta’lim vazirligi holatga munosabat bildirdi.

Vazirlik matbuot xizmati xabarida ta’kidlanishicha, prezidentning 2021-yil 22-iyundagi va 2022-yil 15-iyundagi qarorlarida davlat oliy ta’lim muassasalari magistraturasiga qo‘shimcha qabul parametrlari asosida o‘qishga qabul qilinganlarning to‘lov-kontrakt summasi bir talabaga to‘g‘ri keladigan real xarajatlardan kelib chiqib, oliy ta’lim muassasasi tomonidan mustaqil belgilanishi ko‘rsatilgan.

Ularga ko‘ra, magistratura (klinik ordinatura)ga o‘tgan o‘quv yilida qo‘shimcha qabul qilingan talabalar belgilangan to‘lov-kontrakt summasini shartnomaga muvofiq 2022/2023-o‘quv yilida ham shu miqdorda to‘lashlari lozim.

Ammo ijtimoiy tarmoqlarda mazkur tartibdagi to‘lov miqdori noto‘g‘ri, ya’ni oshirilgan yoki tabaqalashtirilgan (super) kontrakt sifatida undirilayotgani talqin qilinmoqda.

“Eslatib o‘tamiz, bu to‘lov miqdori oshirilgan yoki super kontrakt hisoblanmaydi. Jamoatchilik, ommaviy axborot vositalari, shu jumladan talabalar va ularning yaqinlaridan to‘lovlar borasida savol tug‘ilganda rasmiy manbalarga tayanishlari, asossiz xabarlarga ishonmasliklarini so‘rab qolamiz”, — deyiladi munosabatda.

Mavzuga doir: O‘zbekistonda doktorantura kvotalari tasdiqlandi — infografika

Izoh
Asosiy yangiliklar
Mahalliy
“Bizning jamiyatda seni la’natlangan yoki axloqi buzuq odam deb o‘ylashar edi” — vujudida OIV bilan yashayotgan insonlar hikoyalarini jamlagan “Hayot davom etadi”
Maslahatlar
Bir necha daqiqa ichida djinsi kiyimlardan yog‘ dog‘larini tozalashga yordam beradigan usullar
Sport
Boks yulduzi Saul Alvares Messi va Argentina xalqidan uzr so‘radi