AQSHning neft zaxirasi 38 yillik eng past darajaga tushdi

AQSHning strategik neft zaxirasi hajmi 427 million barrelni tashkil etadi. Bu 1984-yildan beri eng past ko‘rsatkichdir. Bu haqda The Wall Street Journal xabar bermoqda.

Mamlakatda 1983-yildan beri birinchi marta zaxira miqdori tijorat zaxiralaridan kamaydi.

Zaxiraning qisqarishi 2022-yilning bahoridan boshlab amalga oshirilayotgan prezident Jo Baydenning intervensiyalar qarori bilan bog‘liq.

Umuman olganda, 155 million barrel neft allaqachon sotilgan. Davlat rahbari jami 180 million barrel neft sotishga ruxsat bergan.

AQSH hukumati kuniga o‘rtacha 900 ming barrel neft sotdi — bu global talabning deyarli 1 foizini tashkil qiladi.

AQSHda yoqilg‘i narxi uch oy ichida bir gallon uchun 5,03 dollardan 3,66 dollarga tushdi.

Bayden bugun, 24-sentabr kuni o‘z iqtisodiy jamoasiga energetika sanoatiga bosim o‘tkazishni buyurdi. U jahon bozorida neft narxining pasayishi mamlakatdagi yoqilg‘i narxida aks etishini istaydi, — deyiladi xabarda.

Avvalroq AQSH neft va gaz ishlab chiqaruvchilar Yevropa inqirozi haqida fikrlari haqida xabar berilgandi.