O‘zbekistonda ko‘chmas mulk bozorida savdo hajmi 8,5 foizga o‘sdi. Bu haqda Iqtisodiy tadqiqotlar va islohotlar markazi “Daryo”ga ma’lum qildi.
2022-yil avgust oyida O‘zbekistonda ko‘chmas mulk oldi-sotdi shartnomalari soni 26,5 mingtani tashkil etdi. Bu joriy yilning iyul oyiga (20,3 ming) nisbatan 30 foizga (+6,2 ming) ko‘p.
Yil boshidan buyon uy-joy savdosining o‘sishi 8,5 foizni (172,7 ming) tashkil etdi.
Avgust oyida ipoteka kreditlash hajmining iyul oyiga nisbatan 37 foizga keskin o‘sishi (1,1 trln so‘mdan 1,5 trln so‘mgacha) barcha hududlarda savdo hajmining ijobiy dinamikasiga ta’sir ko‘rsatdi.
Qoraqalpog‘istonda 2,3 barobar, Samarqand 75 foiz va Jizzax viloyatlarida 41 foiz yuqori o‘sish sur’atlari qayd etildi.
2021-yil avgust oyi bilan taqqoslaganda ko‘chmas mulk oldi-sotdi bo‘yicha shartnomalar soni 22 foizga (4,7 mingta) oshdi.
Avvalroq Toshkent shahrida so‘nggi bir yilda uylar qimmatlaganiga nima sabab bo‘layotgani haqida xabar berilgan edi.
Izoh (0)