Qozog‘iston Senati (parlament yuqori palatasi) deputatlari Birinchi prezident kunini davlat bayramlari toifasidan chiqarib tashlash to‘g‘risidagi qonunni qabul qildi. Bu haqda “Kazinform” deya xabar bermoqda.
“Qozog‘iston respublikasining ayrim qonun hujjatlariga kinematografiya, madaniyat va bayramlar masalalari bo‘yicha o‘zgartish va qo‘shimchalar kiritish to‘g‘risida”gi qonunga tegishli o‘zgartirishlar kiritilgan. Bu haqdagi qaror Senat yalpi majlisida qabul qilingan.
7-sentabr kuni parlament quyi palatasi deputatlari ushbu bayramni davlat bayramlari ro‘yxatidan chiqarish taklifini bildirgan edi.
Qozog‘istonda Birinchi prezident kuni 1-dekabrda nishonlandi va u dam olish kuni hisoblanardi. Bayram davlatning birinchi rahbari Nursulton Nazarboyev sharafiga tashkil etilgan: 1991-yil 1-dekabrda u respublika prezidenti etib saylangan. Ushbu bayramga davlat bayrami maqomi berish to‘g‘risidagi qonun 2011-yil 14-dekabrda imzolangan edi.
Izoh (0)