“U o‘z askarlarini qonga botirmoqchi” — Zelenskiy Putinning qisman safarbarlik borasidagi qaroriga izoh berdi

Ukraina prezidenti Vladimir Zelenskiy birinchi marta Vladimir Putin tomonidan Rossiya Federatsiyasida e’lon qilingan qisman safarbarlikka izoh berdi, deb yozadi “Strana News”.

“Uning yadro quroldan foydalanishiga ishonmayman. Menimcha, dunyo unga bu quroldan foydalanishga ruxsat bermaydi”.

“Ertaga Putin yana aytib qolishi mumkin: Ukrainadan tashqari biz Polshaning bir qismini xohlaymiz, aks holda yadro qurolidan foydalanamiz. Shunday ekan, biz murosa qilmoqchi emasmiz”, — deydi Ukraina prezidenti.

Zelenskiy Rossiya Federatsiyasida qisman safarbarlik joriy etilgani va bosib olingan hududlarda “referendumlar” o‘tkazilishiga ham izoh berdi.

Uning so‘zlariga ko‘ra, qisman safarbarlik Rossiyada “ofitserlar va boshqa harbiy xizmatchilar bilan muammolar” borligini ko‘rsatadi.

“U (Putin) Ukrainani qonga, balki o‘z askarlarining qoniga ham botirmoqchi. U o‘z bo‘linmalari shunchaki sochilib ketganini ko‘rmoqda. Unga bir necha million dollarlik armiya kerak. Chunki Ukrainaga ko‘pchiligi shunchaki qochib ketayotganini ko‘rib turibdi”, — dedi Ukraina rahbari

Zelenskiy bosib olingan hududlardagi soxta referendumlar haqida gapirar ekan, “Biz bosqichma-bosqich rejalarimiz asosida harakat qilamiz. Ishonchim komilki, o‘z hududimizni ozod qilamiz. Referendumlarning barchasi safsata, dunyoning 90 foizi ularni tan olmaydi”, — deb aytdi.