“Texnoplov” taniqli YouTube kanali asoschisi Saadulla Abdullayev HONOR X8 smartfoniga sharh tayyorladi. Bloger o‘z taassurotlari va asosiy kuzatishlarini biz bilan o‘rtoqlashdi.
Premium darajadagi ko‘rinish
Bloger birinchi navbatda telefon dizayni va uning tashqi xususiyatlariga alohida urg‘u berdi: HONOR X8 atigi 177 gramm og‘irlikdagi ixcham va yengil korpusga ega. Smartfonning qalinligi 7,45 mm.
Yassi dizayni va to‘rt tomondan yumaloq burchaklarga ega bo‘lgan HONOR X8 hatto kichik sumka yoki cho‘ntakga ham bemalol sig‘adi. Saadulla Abdullayev ta’kidlaganidek, uni qo‘lingizda ushlab turish ham qulay.
Alohida bloger tor ramkalarni qayd etdi — yon tomonlaridan 1,1 mm va tepadan 1,15 mm, bu foydalanish mumkin bo‘lgan ekran maydonining 93,6 foizini ta’minlaydi. Saadulla bu sinfdagi smartfonlar orasida eng yuqori ko‘rsatkich ekanini ta’kidladi. HONOR X8 tashqi ko‘rinishi garchi ancha arzonroq bo‘lsa ham, flagmanlar qatoriga kiradigan smartfonlarga o‘xshaydi.
Orqa panelda kameralar bloki mavjud (HONOR X8 da to‘rttasi mavjud). Ular maydon burchaklarida simmetrik joylashgan bo‘lib, markazda chaqnoq(vspishka) mavjud.
Smartfonni bir zumda blokdan chiqarishga yordam beruvchi barmoq izlari skaneri yon yuzada – quvvat tugmasida, quloqchinlarni ulash uchun mini-jek esa pastki qismida, USB Type-C ulagichi yonida joylashgan.
HONOR X8 mijozlarga uchta zamonaviy rangda taqdim etiladi: “titan kumush rang”, “to‘q ko‘k ummon rangi” va “tim qora rang”.
Ekranning afzalliklari
Saadulla Abdullayev HONOR X8 ning yaqqol ustunligi – uning katta ekraniga alohida to‘xtalib o‘tdi.
HONOR X8 displeyi IPS-matritsasiga ega, u eng tabiiy ranglarni ta’minlaydi va smartfondan uzoq vaqt foydalangandan keyin ham ko‘zingizni charchatmaydi. Ekranning yangilanish tezligi 90 Gts ni tashkil qiladi, bu esa skrollingda animatsiyalarini maksimal darajada silliqlashtiradi.
6,7 dyuymli FullView ekrani 2388x1080 pikselli o‘lchamga ega bo‘lib, tiniq tasvirlar va filmlar, fotosuratlar tomosha qilish yoki o‘yin o‘ynashda to‘liq sho‘ng‘ish effektini berish uchun 16,7M xil ranglarni aks ettiradi.
Texnik xususiyatlarning afzalliklari. Drop test.
Texnoplov kanali muallifi o‘z tajribasi bilan o‘rtoqlashib: “Telefonni tushirib yuborish – odatiy holdir. Meni HONOR X8 balandlikdan tushib ketsa nima bo‘lishi qiziqtirgan edi, shuning uchun men kichik test o‘tkazdim. Bir metrdan marmar polga tushganda, smartfonga hech narsa bo‘lmadi. Bu uning mustahkamligi ko‘rsatkichidir”, — dedi.
Kameralar
Smartfon to‘rtta kamera bilan jihozlangan: 64 megapikselli asosiy kamera, 5 megapikselli keng burchakli obyektiv va makro va boke uchun ikkita kamera.
HONOR X8 ning old kamerasi 16 megapikselli. Telefonning o‘ziga xos xususiyati shundaki, siz bir vaqtning o‘zida old kamera va asosiy kamera yordamida video yozib olishingiz mumkin.
Misol uchun, bayramni suratga olayotganda, siz onangizning tug‘ilgan kuni bilan tabriklashda nafaqat uning his-tuyg‘ularini, balki o‘zingizning ham hissiyotlaringizni suratga olishni xohlaysiz.
Saadulla Abdullayev kamera imkoniyatlari haqida gapirar ekan: “Bu YouTube uchun vloglar suratga olishda juda qulay. HONOR X8 mobilograflar tomonidan kontent yaratish uchun ideal, chunki u kameraning barcha funksiyalariga ega va o‘z ishining ustasi qo‘lida u haqiqatan ham ajoyib kadrlarni yaratishi mumkin”, — dedi.
Akkumulyator sig‘imi
HONOR X8 4000 mA/soat sig‘imli akkumulyator bilan jihozlangan bo‘lib, bu foydalanuvchilarga batareyaning uzoq ishlash muddatini kafolatlaydi.
U 13 soatgacha YouTube videolarini tomosha qilish, 19 soat veb-sahifalarni ko‘rish va qariyb 9,5 soat o‘yin o‘ynash imkonini beradi.
Simli zaryadlash moslamasiga ega HONOR SuperCharge 22,5 Vt tez zaryadlash texnologiyasi 3 soat davomida onlayn video tomosha qilish uchun smartfoningizni 10 daqiqada quvvatlantirish imkonini beradi. 0 dan 100 foizgacha to‘liq quvvat olish uchun atigi 110 daqiqa vaqt ketadi.
Shuningdek, telefon sozlamalarining “Batareya” bo‘limida “Aqlli zaryadlash” va “Aqlli batareya sig‘imi” funksiyalari mavjud. Ular batareyaning eskirishini sekinlashtiradi va zaryadlash uchun optimal parametrlarni tanlash orqali uning ishlash muddatini uzaytiradi.
Xavfsizlik tizimi
Saadulla Abdullayevning so‘zlariga ko‘ra, yuzni tanish tizimi va barmoq izlari skaneri barcha ma’lumotlarning maxfiyligini ta’minlaydi.
Agar foydalanuvchi bulut xizmatlaridan va Google akkauntidan foydalangan holda telefonini yo‘qotgan bo‘lsa, u boshqa qurilmadan o‘z akkauntiga osongina kirishi va yo‘qolgan telefonni akkauntdan o‘chirishi mumkin.
Narxi
“Menimcha, bu smartfon hamyonbop narxda kundalik vazifalar uchun smartfon izlayotganlar uchun universal yechimdir. Texnobloger sifatida men HONOR X8 ni tavsiya qilaman”, — deydi Texnoplov asoschisi.
HONOR X8 ni butun mamlakat bo‘ylab Elmakon, Texnomart elektronika do‘konlari va boshqa brend hamkor kanallarida 3 099 000 so‘mdan boshlab xarid qilish mumkin.
HONOR X seriyali barcha smartfonlar bir yillik kafolatga ega.
Shuningdek, ajoyib aksiya! 15-sentabrgacha smartfon sotib olsangiz simsiz kolonkaga ega bo‘lasiz.
Reklama huquqi asosida
Izoh (1)
3 099 000 кимнингдир 1 ойлик ойлик хакки бу хозрги кунда )))