Toshkent shahrida 9—11-sentabr kunlari mavsumning eng unutilmas tadbirlardan biri — Pepsi Music Fest–2022 bo‘lib o‘tdi.
Pepsi’ning “Ta’mlar jangi”dagi mutlaq g‘alabasi bilan birlashgan mazkur festivalda MDH mamlakatlarining mashhur yulduzlari — Gayazov$ Brother$ guruhi, xonanda Minelli va Hammali&Navai dueti qatnashdi.
Tadbirda ishtirok etgan yoshlar uchun musiqiy tanlovlar, turli ko‘ngilochar o‘yinlar uyushtirilib, g‘oliblarga Pepsi’ning sovg‘alari topshirildi.
Shuningdek, mamlakatimizning eng taniqli DJ’lari — DJ King Macarella, DJ Sam, Dj Pashkov, DJ Frost, DJ Gera va DJ Safronov’ning eng yorqin setlari barchani raqsga chorladi.
Musiqiy kechalarga maxsus mehmon – QVZ Oliy ligasi chempioni, Asia MIX jamoasi yetakchisi – Eldiyar Kenensarov hamda Abdulaziz Kadirov,Davron Kabulov va Jahongir Xo‘jayevlar boshlovchilik qilishdi.
“Ochig‘i, hammasi kutganimdan ham a’lo bo‘ldi. Tashkilotchilar shahar aholisi va mehmonlari uchun unutilmas shou tayyorlashibdi. Musiqiy chiqishlar, raqslar, o‘ziga xos atmosfera juda ham yoqdi”, – deydi festival ishtirokchisi Abduqahhor Qosimov.
Festival doirasida body-art hamda 10 dan ortiq qiziqarli fotozonalar, dam olish maydonlari tashkil etilib, mehmonlar bu yerda vaqtini chog‘ o‘tkazishi uchun barcha imkoniyatlar yaratildi.
Kechaning eng qiziqarli voqealaridan Fire-show bo‘ldi.
“Shunchaki wow! Biror konsertga chiptani pulga sotib olib, tushib ham bunchalik maza qilmagan edim. Festivalga faqat oxirgi kun kelibman, agar shunday bo‘lishini bilganimda uch kun ham kelgan bo‘lardim. Bu yerda yana anchadan buyon ko‘rmagan tanishlarimni uchratdim. Shunday tadbirlar ko‘proq o‘tkazilsa, hayotimiz yanada qiziqarliroq bo‘lardi deb o‘ylayman”, – deya festival ishtirokchilaridan biri Farangiz Azimova o‘zining taassurotlari bilan bo‘lishdi.
Shunday qilib, oqshom trenddagi musiqalar, yorqin raqslar va o‘zgacha shoular bilan barchaga a’lo kayfiyat ulashdi.
Pepsi brendi vakillari ushbu festivalning bosh tashkilotchisi – Toshkent shahar hokimligiga bunday keng ko‘lamli tadbirni tashkillashtirgani uchun alohida minnatdorlik bildiradi.
Pepsi yangiliklari bilan Instagram orqali tanishib borishingiz mumkin.
Reklama huquqi asosida
Izoh (0)