Bugun,

  • USD 11095.31
  • RUB 173.84
  • EUR 10772.44

Rossiyaning Kobuldagi elchixonasi yaqinida sodir bo‘lgan portlash uchun javobgarlikni ISHID guruhi o‘z zimmasiga oldi, deb yozadi “RBK”. Bu haqda Reuters jangarilarga tayanib xabar bergan.

Portlash yuz bergan joy atrofi o‘rab olingan

Portlash yuz bergan joy atrofi o‘rab olingan
Foto: Reuters

Portlash 5-sentabr kuni ertalab diplomatik missiyaning konsullik bo‘limiga kirish darvozasi yaqinida yuz bergan. Rossiya Tashqi ishlar vazirligi versiyasiga ko‘ra, portlovchi qurilmani “noma’lum jangari” harakatga keltirgan. TOLO News telekanali politsiyaga tayanib aniqlik kiritishicha, xudkush terrorchi elchixona yaqinida to‘plangan odamlar orasida o‘zini portlatmoqchi bo‘lgan. “RIA Novosti” manbasiga ko‘ra, xuddi shu paytda diplomat vizaga da’vogarlar ismlarini e’lon qilish uchun tashqariga chiqqan. Xavfsizlik kuchlari terrorchini to‘xtatib qolgan, shu lahzada portlash sodir bo‘lgan.

Keyinroq hodisa oqibatida Rossiya elchixonasining ikki xodimi — qo‘riqchi va diplomat halok bo‘lgani ma’lum qilindi. Al Jazeera telekanali Afg‘oniston xavfsizlik xizmatidagi manbasiga tayanib xabar berishicha, jami sakkiz kishi halok bo‘lib, 15 kishi yaralangan. “RIA Novosti” manbasi esa 15 dan 20 nafargacha odam halok bo‘lgan yoki jabrlanganini ma’lum qilgandi. “Al-Arabiya” telekanali o‘n nafar qurbon haqida xabar bergandi.

Rossiya prezidenti matbuot kotibi Dmitriy Peskov hodisani terakt deb atadi va bunday xatti-harakatlarni qat’iy qoraladi.

Bu “Tolibon” harakati hokimiyat tepasiga kelganidan buyon Rossiyaning Afg‘onistondagi elchixonasiga uyushtirilgan birinchi hujumdir. Toliblar Rossiya diplomatik vakolatxonasi xavfsizligini kafolatlashini ma’lum qilgandi. Portlashdan keyin ular aybdorlarni topib jazolashga va’da berdi.

ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

Izoh
Asosiy yangiliklar
Moliya
O‘zbekistondagi eng faol banklar reytingi yangilandi. Nimalar o‘zgardi?
Mahalliy
Davletmurat Tajimuratov 16 yilga qamaldi, jurnalist Lolagul Qallixanova sud zalidan ozod qilindi 
Sport
Figurali uchish bo‘yicha O‘zbekistonning 10 karra chempioni Tatyana Malininaning 18 yoshli o‘g‘li AQSH chempioniga aylandi