Ko‘mirga bo‘lgan kuchli talab va yuqori narxlar bir necha yil davom etishi mumkin. Bu haqda Fitch Solutions tahlilchilariga tayanib Bloomberg xabar bermoqda.
Yevropaning Rossiya yonilg‘isidan voz kechish rejalari ko‘mir bozoriga sezilarli darajada ta’sir qildi.
Xususan, Rossiya yonilg‘isini sotib olishni taqiqlash Indoneziya va hatto Avstraliya kabi boshqa mamlakatlarning ko‘mirga bo‘lgan talabini oshiradi.
Rossiya gazini LNG (suyultirilgan gaz) bilan almashtirish rejalari esa ko‘plab mamlakatlarda gaz yetishmasligiga va ko‘mirdan foydalanishni oshirishga olib keladi.
Fitch bu yil va undan keyingi yillar uchun Osiyoda termal ko‘mir narxlari bo‘yicha prognozlarini sezilarli darajada oshirdi.
Agentlikning yangi hisob-kitoblariga ko‘ra, Avstraliyaning Nyukasl shahrida yuklangan ko‘mir bu yil bir tonnasi uchun 320 dollar, 2022—2026-yillarda esa o‘rtacha 246 dollarga tushadi.
Avvalgi prognozlarda narxlar bir tonna ko‘mir uchun mos ravishda 230 va 159 dollar edi.
Osiyoda ko‘mirning rekord narxlari iyun oyida Ukraina atrofidagi vaziyat fonida, shuningdek, muqobil energiya manbalarining yo‘qligi va mintaqadagi issiqlik tufayli elektr energiyasiga talabning ortishi tufayli qayd etildi.
Keyin Avstraliyaning Nyukasl portida bir tonna ko‘mirning mintaqaviy mos narxi 402,5 dollarga yetdi va birinchi marta tonna uchun 400 dollardan oshdi.
Bloomberg ma’lumotlariga ko‘ra, fyuchers bozorlaridagi vaziyat ham yuqori ko‘mir narxlarining davom etishidan dalolat beradi.
Shunday qilib, 2026-yil dekabr oyida yetkazib beriladigan ko‘mir uchun fyuchers shartnomalari bir tonna uchun 233,15 dollarni tashkil qiladi.
Joriy yil boshida ularning narxi bir tonna uchun 111,15 dollarni, 2021-yil boshida esa 80,8 dollarni tashkil qilgan.
Izoh (0)