AQSHning Ukrainaga 1 mlrd dollarlik harbiy yordam paketiga HIMARS va Javelin uchun raketalar kirdi
AQSH Ukrainaga 1 milliard dollarlik yangi harbiy yordam paketini ajratmoqda, u harbiy mahsulotlarning eng yirik bir martalik yetkazmasi bo‘ladi, deb yozadi “RBK”.
Ukrainaga HIMARS baravar o‘t ochish tizimlari uchun raketalar, NASAMS zenit-raketa majmualari uchun o‘q-dorilar, 50 ta M113 zirhlangan tibbiy transport vositalarini, shuningdek, artilleriya o‘q-dorilari, mingta FGM-148 Javelin ko‘chma tankka qarshi majmualar, dorilar va portlovchi moddalarni yetkazib berish rejalashtirilmoqda.
Ushbu paket yetkazilgach, AQSHning Ukrainaga harbiy yordamining umumiy hajmi 2022-yil fevralidan buyon 9,8 milliard dollargacha, 2014-yildan buyon esa 11,8 milliard dollargacha yetadi.
Shuningdek, Pentagon vakili ma’lum qilishicha, Ukrainaga F-16 qiruvchilarini yetkazib berish imkoniyatlari yuzasidan yakuniy tahlil hali tayyor emas. Uning so‘zlariga ko‘ra, bu variant yaqin istiqbolga taalluqli emas.
AQSH Harbiy-havo kuchlari shtabi boshlig‘i general Charlz Braun 21-iyul kuni Ukraina G‘arb mamlakatlaridan to‘rtinchi avlod zamonaviy qiruvchilarini olishi mumkinligini aytgandi.
