Toshkentda aholining jamoat transportidan foydalanish darajasini oshirish maqsadida 9-avgustdan boshlab uchta yangi avtobus yo‘nalishi yo‘lga qo‘yiladi.
“Toshshahartransxizmat” matbuot xizmati xabariga ko‘ra, bular quyidagilar:
- 23-sonli Farhod bozori—“Chorsu mertosi”
- 104-sonli 12-metro bekati—4-metro bekati
- 151-sonli “Yangi O‘zbekiston” bog‘i—“Buyuk Ipak yo‘li metrosi”
Yo‘nalish Farhod bozori bekatidan Lutfiy, Muqimiy, Nurafshon, Beruniy, Saqichmon, Zarqaynar ko‘chalari orqali “Chorsu metrosi” ASHBga qadar, qaytish yo‘nalishida Chorsu metrosi ASHBdan Zarqaynar, Alisher Navoiy, Beruniy, Nurafshon, Lutfiy ko‘chalari orqali Farhod bozori bekatiga qadar soat 5:30 dan 22:30 gacha harakatlanishi belgilandi. Ushbu yo‘nalishda ish kunlari 5 ta, shanba va yakshanba kunlari 4 ta Isuzu avtobuslari harakatlanadi.
Foto: “Toshshahartransxizmat” matbuot xizmati 104-sonli 12-metro bekati—4-metro bekati
Yo‘nalish 12-metro bekatidan Xonabod, Jaloir, Nilufar, Yoqubov, Qipchoq, Sergeli yo‘li, Lutfkor, Mirzo Tursunzoda ko‘chalari orqali 4-metro bekatidan Mirzo Tursunzoda, Lutfkor, Yangi Sergeli yo‘li, Qipchoq, Yoqubov, Nilufar, Jaloir, Xonabod ko‘chalari orqali “12-metro bekati”ga qadar soat 6:00 dan 21:00 gacha harakatlanishi belgilandi. Ushbu yo‘nalishda ish va shanba kunlari 3 ta, shanba va yakshanba kuni 2 ta Isuzu avtobuslari harakatlanadi.
Foto: “Toshshahartransxizmat” matbuot xizmati 151-sonli “Yangi O‘zbekiston” bog‘i—“Buyuk Ipak yo‘li metrosi”
Yo‘nalish harakati to‘g‘ri yo‘nalishda “Yangi O‘zbekiston bog‘i”dan O‘qituvchi, Milliy bog‘, Binokor, Temur Malik, Do‘rmon yo‘li, Mirzo Ulug‘bek shoh ko‘chalari orqali “Buyuk Ipak yo‘li metrosi”ga qadar, qaytish yo‘nalishida “Buyuk Ipak yo‘li metrosi”dan Mirzo Ulug‘bek shohko‘chasi, Do‘rmon yo‘li, Temur Malik, Binokor, Milliy bog‘, O‘qituvchi ko‘chalari orqali “Yangi O‘zbekiston bog‘i”ga qadar soat 6:00 dan 21:00 gacha harakatlanishi belgilangan. Ushbu yo‘nalishda ish kunlari 6 ta, shanba kunlari 5 ta, yakshanba kuni esa 4 ta Isuzu avtobuslari harakatlanadi.
Shuningdek, 110-sonli avtobus yo‘nalishi harakatiga o‘zgartirish kiritilgan. TTZ ASHB—Qo‘yliq dehqon bozori avtobusi endilikda Food City savdo majmuasigacha harakatlanadi va yo‘nalish nomi 110-sonli Food City savdo majmuasi—TTZ ASHB” avtobus yo‘nalishi deb ataladi.