Bugun,

  • USD 11014.01
  • RUB 191.8
  • EUR 10674.78

Xonanda Dildora Niyozova “Daryo” internet nashri uchun intevyu berdi. U suhbat chog‘ida turmush o‘rtog‘ining Instagramga joylagan videomurojaati, odamlardan ranjigani va san’atdan ketmasligining sabablari haqida gapirdi.

Foto: “Daryo”

Foto: “Daryo”

— Har bir oilada o‘ziga yarasha sinovli kunlar bo‘ladi. Ammo san’atkor taniqli inson bo‘lgani uchungina uning shaxsiy hayotidagi ma’lumotlar keng tarqalib ketadi. Dunyoda urishmaydian er-xotin bormi? Videomurojaatdan avval turmush o‘rtog‘im haqiqatan rashkchi bo‘lib, sal gapim ham qattiq botadigan asabiy bo‘lib qoldi. Jahlda aql ketadi, deb bekorga aytishmaydi. Ayollar baribir og‘irroq bo‘lmasa, vaziyat butunlay izidan chiqib ketadi. Oilaning mustahkamligini saqlash oson emas. Erkakning jahli chiqqanida tez qaror qilib qo‘yadi.

Turmush o‘rtog‘im jahl ustida Instagram’ga san’atdan ketishim haqida video joyladi. Har bir oilada tushunmovchiliklar bo‘lib turadi. Buni to‘g‘ri qabul qilish kerak. Turmush o‘rtog‘imning fe’li tez bo‘lgani uchun shu videoni joylagan.

 

 

Ammo o‘zga oiladagi vaziyatni bilmay turib, munosabat bildiradiganlardan ranjidim. “Pulni yaxshi ko‘rasizda, shuning uchun san’atdan ketolmaysiz”, deyishdi. To‘g‘risi, shunga o‘xshash gaplar qalbimga og‘ir botdi. Rizqni avvalo Alloh beradi, san’atda shuncha harakat qilib turib ham hech narsaga erisholmayotganlar bor. Men to‘ylarga chiqib nima yomon ish qilayapman. Birovning haqqiga xiyonat qilayotganim yo‘q. San’atkor kichkina pulga xizmatga bormaydi, ammo odamlar niyat qilib uni yaxshi kuniga taklif etadi. “Odamlar meni to‘yiga aytsin”, deb niyat qilmayman. Rizqimni faqat Allohdan so‘rayman.

Foto: Instagram

Foto: Instagram

To‘ylarga oddiy kiyim va boshda ro‘molim bilan boraman. Menimcha, buning hech qanday yomon jihati yo‘q. To‘yga chiqishimning asosiy sababi san’atimni yaxshi ko‘raman. Agar Alloh istasa, odamlar to‘ylariga aytmay qo‘yishadi. Chunki xonandalar orasida “Qachon to‘yga aytisharkin?” deb umid qilib o‘tirganlar son mingta. Meni niyat qilib, yaxshi kuniga chaqirishayotgan ekan nega bormasligi kerak.Yaqinda bir to‘yga borgaimizda onaxonlardan biri yonimga kelib “Xo‘jayiningiz to‘yga chiqarmayman, degandi-ku, yana qo‘shiq aytayapsizmi?”, deb so‘radi. Erinmay to‘yxonada ana shu savolga javob berib ketdim. Mikrofonda “Qani orangizda eri bilan urishmagan ayollar bormi?” desam hamma kulib yubordi. Mening ham erim jahli chiqqanida gapiradi, ko‘nglini olgandim yana to‘yga chiqarayapti, deb kuldim. Ho‘p deb og‘irroq bo‘lgan edim, yana san’atimni davom ettirishimga ruxsat berdi, dedim.

Foto: Instagram

Foto: Instagram

Ro‘molga katta kuch bilan kirganman. Haqiqatan ham o‘sha vaqtda qo‘shiq ham aytmayman, degandim. Ammo san’atdan ketdim emas, faqat salovat va nashidalar aytaman, deb hayolimdan o‘tkazgandim. Angladimki, Allohga bo‘lgan muhabbatimiz qalbimizda, uni ha deb atrofdagilarga ko‘rsatish shart emas. Qo‘shiq aytish taqdir qismatimda bor. Uni ham Alloh bergan. Agar taqdirimda shunday yozilmaganida men bugungi darajaga erishmagan bo‘lardim.To‘y xizmatlariga borsam “Sizning qo‘shig‘ingiz sabab hayotga qaytdim”, deb haqqimga duo qilishadi. Balki qilayotgan ishim noto‘g‘ri emasdir, deb o‘ylab qolaman. Bandaning bandaga hukm qilishga haqqi yo‘q. Shunday ekan u noto‘g‘ri ish qilyapti, deb xulosa chiqarish yaxshi emas.Men haqimda negativ fikr birdirayotganlarning xatosi, gunohi yo‘qmi? Men yomon gaplarni eshitib o‘rganmaganman. Negativ gaplarni ko‘nglimga qattiq ta’sir qiladi. Shuning uchun bilib-bilmay odamlar haqida yomon gumonga borishlarini istamasdim, — deydi xonanda Dildora Niyozova.

Mavzuga doir:

Dildora Niyozovaning turmush o‘rtog‘i uning san’atni butunlay tark etgani hamda to‘ylarga chiqmasligini ma’lum qildi. Xonandaning o‘zi bu gaplarni inkor etdi (video)

“Litsenziyamni topshirishga tayyor edim”. Dildora Niyozova o‘ranganidan so‘ng “O‘zbekkonsert”da bo‘lgan majlis haqida gapirib berdi (video)

Dildora Niyozova rossiyalik milliarder Alisher Usmonov uning muxlisi ekani haqida so‘zlab berdi (video)

Izoh
Asosiy yangiliklar
Dunyo
Gitlerga maktub yozgan Gandining tug‘ilishi, maxfiy sanalgan Opus Dei tashkiloti va SSSRdagi yadroviy qurollar sinovi. Kun xronologiyasida 2-oktabr
Mahalliy
O‘zbekistonda 2-oktabr kuni harorat kechasi 7 darajagacha pasayadi
Madaniyat
Instagram: Ustozlarini tabriklayotgan mashhurlar, onasiga qo‘shni bo‘layotgan Nilufar Usmonova, Ziyodaning volidasiga atalgan syurprizi