Bugun,

  • USD 11014.01
  • RUB 191.8
  • EUR 10674.78

Ba’zi filmlarni tomosha qilganingizda shu kabi sujetni yana qayerdadir ko‘rganingizni eslay boshlaysiz. Umuman olganda, aktyorlar boshqa, ekranda chizilgan personajlar, boshqalarida esa haqiqiy odamlar rol o‘ynaydi, ammo film sujetining juda ko‘p joylari baribir ham bir-biriga o‘xshab ketaveradi.

“Pokahontas” va “Avatar”

Foto: AdMe

Foto: AdMe

Jeyms Kemeronning “Avatari” Disneyning “Pokahontas” animatsion filmi bilan hayratlanarli darajada o‘xshashlikka ega, faqat uni eski bolalar multfilmini kattalar ko‘radigan varianti deb atashgan. Ikkala filmda ham sujet noma’lum yerlar manzarasida rivojlanadi, u yerda bosh qahramon kelib, mahalliy yetakchining qizini sevib qoladi. Ular o‘rtasidagi romantik munosabatlar, albatta, taqiqlangan, lekin ular qabilalar bilan birlashib, umumiy dushmanga qarshi kurashganda, ular bu dunyoda o‘z o‘rinlarini topadilar.

“La’natlanganlar oroli” va “Muqaddima”

Foto: AdMe

Foto: AdMe

Yaqindan tahlil qilsak, Leonardo Di Kaprio ishtirokidagi ikkala filmda ham qahramonlar xotinidan ayrilgani tufayli azob chekadi va ikkalasi ham hammasini tuzatish uchun syurreal missiyaga yuboriladi. Bundan tashqari, ushbu g‘alati tasodiflar tufayli kino muxlislari o‘rtasida Endryu va Dominik bir xil odammi degan mavzuda munozaralar to‘xtamaydi.

“Yulduzlar jangi” va “Iblis himoyachisi”

Foto: AdMe

Foto: AdMe

Yovuz ota noqonuniy yo‘l bilan o‘g‘lini dunyoni boshqarishga yordam berish uchun uning egri tomoniga ko‘ndirishga harakat qiladi. “Iblis himoyachisi”ni ham, “Yulduzlar jangi”ni ham tomosha qilgan bo‘lsangiz, bunday tavsifni o‘qib, beixtiyor har ikki film haqida o‘ylaysiz. Lyuk Skayuolker ham, Kianu Rivzning qahramon advokat Kevin Lomaks ham doimo ota-onalarining manipulyatsiyasi ostida qolishadi, lekin oxir-oqibat ular munosib qarshilik ko‘rsata oladi.

“Nemoni izlab” va “Asira”

Foto: AdMe

Foto: AdMe

Ikkala kartina ham turli janrda bo‘lsa-da, ammo bu sujetlarning bir-biriga o‘xshashiga to‘sqinlik qilmaydi. Ikkala holatda ham hikoyaning markazida haddan tashqari himoyalangan yolg‘iz ota paydo bo‘ladi – beva Marlin va ajrashgan Brayan. Avvaliga ularning ikkalasi ham farzandlarini haddan tashqari himoya qiladigandek tuyuladi, shuning uchun ikkisi ham boshqalar bilan muloqot qilishga qiynaladi. Biroq birining o‘g‘li va boshqasining qizi o‘g‘irlab ketiladi va umidsiz otalar o‘z farzandlarini topish hamda qutqarish uchun xavfli sarguzashtni boshdan kechiradi.

“Olovuddin” va “Xo‘rlanganlar”

Foto: AdMe

Foto: AdMe

Jan Valjan va Olovuddinning taqdiriga qashshoqlik yozilgan, yo‘qchilik bu ikkala qahramonni bir burda non o‘g‘irlashga majbur qiladi. Ularning har ikkisi ham bu jinoyatdan keyin qamoqqa tushadi, ammo eng yomoni, bir holatda inspektor Javert, boshqa holatda shoh vaziri Ja’far qiyofasidagi dushman va doimiy ta’qibchilarga aylanadi. Biroq oxir-oqibat ikkala qahramon ham raqiblarini mag‘lub qiladi.

“Temir odam” va “Doktor Strenj”

Foto: AdMe

Foto: AdMe

Stiven Strenjning hikoyasini haqli ravishda birinchi “Temir odam”ning o‘ziga xos qayta yozilgan varianti deb atash mumkin. Darhaqiqat, bosh qahramonlarning umumiy tomonlari juda ko‘p — ular ikkalasi ham juda boy, obro‘li hayotni yaxshi ko‘radi, maftunkor va shu bilan birga dahshatli darajada xudbin (albatta, hozircha). Bundan tashqari, ikkalasi ham jiddiy jarohat oladi, ikkalasi ham dardiga samarali va radikal davo izlaydi — bu jarayonda to‘laqonli super qahramonga aylanadilar.

“Vaqt sirtmog‘i” va “Dedpul 2”

Foto: AdMe

Foto: AdMe

“Vaqt sirtmog‘i” va “Dedpul 2” bilan taqqoslaganda, qiziq o‘xshashliklar yaqqol namoyon bo‘ladi: ikkala qahramon ham insoniyatga jiddiy zarar yetkazishi mumkin bo‘lgan g‘ayritabiiy odamlar mavjud bo‘lgan dunyoda yashaydi. Ikkala holatda ham asosiy xavf bu — bolakay, u tufayli kelajakda muammo bo‘lishi hech kimning xayoliga kelmaydi. Shu sababli qahramonlar bolani to‘xtatish uchun o‘tmishga sayohat qilishadi, lekin dilemmaga duch kelishadi va o‘zlarini qurbon qilishadi.

Izoh
Asosiy yangiliklar
Madaniyat
“Hayot bizni sinovga tashladi”. Sobiq “Ummon” guruhining xonandasi Jasur Rafiqovning saratonga chalingani aytilmoqda
Dunyo
Rossiyada safarbarlikdan bosh tortish bo‘yicha birinchi jinoyat ishi qo‘zg‘atildi
Dunyo
Shimoliy Koreya o‘zining raketa sinovlarini AQSH va Janubiy Koreya mashg‘ulotlariga “adolatli javob” deb atadi