Европа энергетика компанияларининг қарзи 1,7 триллион долларга етди

Энергия инқирози фонида Европада энергетика компанияларининг умумий қарзи 1,7 трлн долларга етди. Бу ҳақда Bloomberg хабар бермоқда.

Ушбу қарзларни ҳисоблашда облигациялар, кредитлар ва газ қувурлари харажати ҳисобга олинади.

2019 йилнинг тўртинчи чорагида умумий қарз 1,1 трлн еврони ташкил этган, 2020 йилнинг биринчи чорагида ҳам худди шундай кўрсаткич қайд этилган.

Кейинги чоракдан сезиларли ўсиш бошланган. 2021 йилнинг учинчи чорагида бу кўрсаткич 1,5 трлн евродан ошган бўлса, бир йилдан сўнг 1,7 трлн еврога кўтарилди.

2020 йилгача бўлган кўрсаткичлар билан солиштирганда, қарз 50 фоиздан кўпроққа ўсган.

Жорий йилнинг биринчи олти ойидаёқ Европанинг энергетика компаниялари 45 млрд евро облигациялар ва яна 72 млрд евро кредит олган эди.

Бундан ташқари, ушбу соҳадаги компаниялар ҳозирда яна 24 млрд евро қарз олиш бўйича музокаралар олиб бормоқда.

Ҳозирда Германиянинг Uniper SЕ компанияси оғир бозор шароитларига бардош бериш учун қўшимча 9 млрд евро ва Чехиянинг CEZ CP энергетика компанияси 3 млрд еврогача қарз олишга ҳаракат қилмоқда.

Аввалроқ Европадаги рекорд даражада инфляция ҳақида хабар берилганди.