Yaponiya sobiq bosh vaziri Sindzo Abeni o‘ldirishda gumonlanuvchi shaxs o‘z onasi qo‘shilib qolgan va, uning fikricha, Abe yaqindan aloqador bo‘lgan qandaydir bir guruhga nisbatan nafrat tuyg‘usini his qilgan, deb yozadi “RBK” NHK telekanaliga tayanib.
So‘roq chog‘ida 41 yoshli Tetsuya Yamagami aniqlik kiritishicha, onasi ushbu guruhga pul xayriya qilganidan keyin oiladagi munosabatlar buzilgan.
Kyodo xabariga ko‘ra, dastlab Yamagami diniy guruh yetakchisiga hujum qilishni rejalashtirgan. Politsiya ma’lumotlari bo‘yicha, erkak, go‘yoki, sobiq bosh vazir aloqador bo‘lgan “ma’lum bir tashkilot” — ehtimol, diniy guruhdan ranjigan holatda bo‘lgan.
Abe 8-iyul kuni belidan ikki marta o‘q yeganidan keyin kasalxonada vafot etdi. Suiqasd sobiq bosh vazir Nara shahrida nutq so‘zlayotgan paytda amalga oshirilgan edi.
Hujum qilishda gumonlanuvchi shaxs voqea joyida politsiya tomonidan qo‘lga olindi, uning qo‘lbola quroli musodara qilindi. U qarshilik ko‘rsatmagan.
OAVlar ma’lumotlariga ko‘ra, ilgari Yamagami Yaponiya o‘zini-o‘zini mudofaa qilish dengiz kuchlarida xizmat qilgan.
Erkak o‘z qilmishiga iqror bo‘ldi. Avvalroq u Abening siyosatidan norozi bo‘lgani tufayli uni o‘ldirmoqchi bo‘lganini aytgandi.
Izoh (0)