Bugun,

  • USD 10940.05
  • RUB 182.26
  • EUR 11121.65

Turkiya Gretsiya bilan urush qilish niyatida emas, dedi mamlakat prezidenti 1-iyul kuni. Bu haqda Anadolu agentligi nashri xabar bermoqda.

Foto: Anadolu

Foto: Anadolu

“Turkiya Yunonistonga qarshi urush olib borish niyatida emas. Biroq Gretsiya bergan va’dalarida turmayapti. Ular 147 marta havo qoidasini buzgan. Agar qo‘shni bo‘lsak, do‘st bo‘lsak, nega havo hududimizni 147 marta buzyapsiz?”. Bu haqda Rajab Toyyib Erdo‘g‘on Istanbulda juma namozidan keyin jurnalistlarga ma’lum qildi.

U shuningdek “Agar (Gretsiya) bizning havo hududimizni buzish davom etsa, biz o‘z zimmamizga yuklangan ishni qilishda davom etamiz”, — deya qo‘shimcha qilgan.

O‘tgan oy Erdo‘g‘on Gretsiya bosh vaziri Kiriakos Mitsotakisni AQSHga rasmiy tashrifi chog‘ida Turkiya haqida aytgan so‘zlari uchun tanqid qilib, Gretsiya bosh vaziri endi u bilan munosabat o‘rnatish imkoniyatiga ega emasligini aytdi.

Turkiya so‘nggi oylarda Gretsiyaning Egey dengizining sharqiy qismidagi, Turkiya qirg‘oqlari yaqinida joylashgan va ko‘p hollarda qirg‘oqdan ko‘rinib turadigan orollarga qo‘shinlarini joylashtirishini tanqid qilishni kuchaytirdi.

Bu orollar 1923-yildagi Lozanna va 1947-yilgi Parij shartnomasiga ko‘ra demilitarizatsiya qilinishi kerak edi, shu bois ushbu orollarda har qanday qo‘shin yoki qurol-yarog‘lar bo‘lishi qat’iyan man etilgan.

Izoh
Asosiy yangiliklar
Mahalliy
Samarqandda noqonuniy mayning ferma aniqlandi
Salomatlik
Yutinganda tomoq og‘rib, quloqqa tarqalsa, qanday yo‘l tutish kerak?
Sport
Murodjon Ahmadaliyev IBF kamari uchun himoya jangini o‘tkazadi