Bugun,

  • USD 10920.28
  • RUB 177.49
  • EUR 11052.42

Finlyandiya Turkiyaning pozitsiyasi tufayli sentabrdan oldin NATOga a’zo bo‘lmasligi mumkin, dedi Finlyandiya prezidenti Sauli Niinistyo NATO shtab-kvartirasida Turkiya va Shvetsiya bilan bo‘lib o‘tgan uch tomonlama uchrashuvdan so‘ng.

Foto: Shutterstock

“Aslida, (uchrashuvda) sezilarli siljish bo‘lmadi, lekin biz muzokaralar boshlanganidan mamnunmiz”, — dedi prezident Yevroparlament rahbari Roberta Metsola bilan matbuot anjumani chog‘ida. U mamlakatlar oxir-oqibat kelishuvga erishishiga umid bildirdi.

Niinistyoga Finlyandiya sentabrgacha NATOga a’zo bo‘lishi mumkinmi, degan savol ham berildi. “Men aniq sanalarni aytishni istamagan bo‘lardim. Bunday ehtimol bor, ammo bu ehtimol sentabrgacha amalga oshmasligi ham mumkin”, — deb javob berdi u.

Niinistyoning aytishicha, muzokaralar davom etmoqda.

Bryusselda Finlyandiya delegatsiyasiga rahbarlik qilgan Petri Xakkaraynenning ta’kidlashicha, tomonlar ba’zi masalalar bo‘yicha “aniq siljish”ga erishgan, biroq boshqa masalalar bo‘yicha kelishuvga erishish uchun vaqt kerak bo‘ladi.

Turkiya prezidentining vakili Ibrohim Kalin, o‘z navbatida, muzokaralar “ochiq va samimiy” muhitda o‘tganini aytdi. Finlyandiya va Shvetsiyaning NATOga a’zo bo‘lish borasidagi har qanday muvaffaqiyati “bu davlatlarning keyingi qadamlari qanday yo‘nalish va tezlik bilan tashlanishiga” bog‘liq bo‘ladi, dedi u.

“Ushbu qadamlarni ko‘rganimizda, barchamiz bu jarayonning yo‘nalishini baholash imkoniyatiga ega bo‘lamiz”, — deb qo‘shimcha qildi Kalyn.

Finlyandiya va Shvetsiya may oyi o‘rtalarida NATOga a’zo bo‘lish uchun ariza topshirgan edi. Protseduraga ko‘ra, ularning NATOga qo‘shilishi uchun alyansning barcha a’zolaridan rozilik talab qilinadi, biroq Turkiya bunga qarshi chiqdi. U ikki mamlakatdan Turkiyada terrorchi tashkilot deb hisoblangan Kurdiston ishchilar partiyasi a’zolarini Anqaraga topshirishni, partiyaga aloqador barcha tashkilotlarni yopishni, shuningdek, bu haqda Anqaraga tegishli kafolatlar berishni talab qilmoqda.

Finlyandiya, Shvetsiya va Turkiya vakillari allaqachon muzokaralar o‘tkazgan, biroq ulardan so‘ng Anqara natijalardan qoniqmaganini ma’lum qilgan.

Finlyandiyaning STT agentligi Finlyandiya terrorizmda gumon qilingan shaxslarni Turkiyaga ekstraditsiya qilishdan bosh tortgani haqida xabar berdi. Iyun oyining boshiga kelib, Xelsinki Turkiya tomonidan 2019-yildan beri yuborilgan o‘nta so‘rovdan yettitasi bo‘yicha qaror chiqardi. Ikki turk ekstraditsiya qilingan, biroq ular o‘z vatanlarida terrorchilikda gumon qilinmagan.

Izoh
Asosiy yangiliklar
Mahalliy
“Bunday shaxslarning O‘zbekistonga kirishini umrbod taqiqlash kerak”. Alisher Qodirov boshqa davlatning harbiy harakatiga yollanadiganlar haqida
Madaniyat
51 yoshli xonanda Nargiz Zokirova farzand kutmoqda (foto)
Mahalliy
“Farzandlariga moddiy yordam ajratiladi, hayotda o‘z o‘rnini topishiga ko‘maklashiladi”. Farg‘onadagi zavod vafot etgan xodimi bolalarini o‘z qaramog‘iga oldi