Bugun,

  • USD 11014.01
  • RUB 191.8
  • EUR 10674.78

15-iyun kuni boshlangan Peterburg xalqaro iqtisodiy forumida birorta ham g‘arblik jiddiy investor qatnashmaydi, forum saytida e’lon qilingan dastur shundan darak bermoqda, deb yozadi Deutsche Welle. Rossiyalik milliarderlardan esa tadbirda atigi olti kishi ishtirok etadi.

Foto: “Paperpaper.ru”

Foto: “Paperpaper.ru”

Dasturga ko‘ra, forumda hammasi bo‘lib 11 nafar G‘arb spikerlari va olti nafar rossiyalik milliarderlar chiqish qiladi. Fransiya, Italiya, Kanada va Amerika savdo palatalari vakillaridan iborat besh ishtirokchi “G‘arb investorlari: yangi realiyalar” munozarasida nutq so‘zlaydi.

Yana ikki nafar xorijlik spiker sport va unga nisbatan sanksiyalarning ta’siriga bag‘ishlangan diskussiyada qatnashadi. Rossiyadagi Yevropa biznesi uyushmasi rahbari Tadzio Shilling sanksiyalar sharoitida budjet va soliq siyosati haqida gapiradi. Urbanizatsiya haqidagi munozaralarda italiyalik biznesmen Fabio Kachchatori qatnashadi.

Bundan tashqari, o‘zini o‘zi ta’minlovchi iqtisodiyot haqidagi bahs-munozaralarda fransiyalik iqtisodiyotchi Jak Sapir ishtirok etadi.

Rossiyaning eng yirik iqtisodiy forumida bu yil bor-yo‘g‘i olti nafar rossiyalik milliarder qatnashadi. 2021-yil holatiga Rossiyada boyligi 1 milliard dollardan oshadigan 120 dan ziyod biznesmen borligi ma’lum qilingan edi. Forumdagi dikussiyalarda “Severstal” egasi Aleksey Mordashov, “Novatek” rahbari Leonid Mixelson, “Renova” guruhi direktorlar kengashi raisi Viktor Vekselberg, “TMK” sobiq rahbari Dmitriy Pumpyanskiy, “Kasperskiy laboratoriyasi” asoschisi Yevgeniy Kasperskiy va ChTPZ sobiq rahbari Andrey Komarov ishtirok etadi.

O‘tgan hafta AQSH Davlat departamenti Peterburg xalqaro iqtisodiy forumida Amerika vakillari qatnashmasligini e’lon qilib, boshqa mamlakatlar kompaniyalari va hukumatlarini ham boykotga qo‘shilishga chaqirgandi. “Rossiya kuchlari Ukrainaga hujum qilayotgan bir paytda ‘biznes odatdagidek bo‘lmasligi’ haqida ochiq-oydin signal yuborishga chaqiramiz ”, — degan edi Davlat departamenti matbuot kotibi Ned Prays.

Izoh
Asosiy yangiliklar
Dunyo
Rossiyaning Nyu-Yorkdagi bosh konsulligi binosi qizil bo‘yoqqa bo‘yaldi (video)
Dunyo
“Zelenskiy NATOga ariza topshirib, dunyoga uchinchi jahon urushini taklif qilmoqda” — Dmitriy Medvedev
Dunyo
“Biz muloqotga tayyormiz, ammo boshqa prezident bilan” — Zelenskiy Rossiyada prezident almashsagina muzokaralar stoliga qaytishini ta’kidladi