Bugun,

  • USD 11014.01
  • RUB 191.8
  • EUR 10674.78

Qozog‘istonda ichida 31 nafar O‘zbekiston fuqarosi bo‘lgan avtobusda yong‘in chiqqani to‘g‘risida xabar berilgandi. Tashqi mehnat migratsiyasi agentligi holat bo‘yicha qo‘shimcha ma’lumot berdi.

Foto: “Nur.kz”

Foto: “Nur.kz”

Ma’lum qilinishicha, G‘arbiy Yevropa—G‘arbiy Xitoy respublika ahamiyatidagi avtomobil yo‘lining 544-kilometrida, Qozog‘istonning Jambul viloyatida 15-iyun kuni taxminan soat 03:00 da yuk mashinasida yong‘in boshlanishi natijasida qatnov to‘xtagan.

Dastlabki ma’lumotlarga ko‘ra, o‘zbekistonlik haydovchi boshqaruvidagi boshqa yuk mashinasi boshqaruvni yo‘qotib, to‘xtab turgan 4 ta mashinaga urilgan va oqibatda ushbu transport vositalari yonib ketgan.

Ushbu hodisalar oqibatida 1 kishi vafot etgan, 10 kishi (shundan 3 nafari O‘zbekiston fuqarosi) esa tan jarohati olgan. Jarohat olganlarga birinchi tibbiy yordam ko‘rsatilib, shifoxonaga yotqizilgan. Vafot etganlar orasida O‘zbekiston fuqarolari yo‘q.

“Hozirgi vaqtda hodisa O‘zbekistonning Olmaotadagi Bosh konsulxonasi mehnat migratsiyasi masalalari bo‘yicha attashesi tomonidan nazoratga olingan”, — deyiladi xabarda.

Eslatib o‘tamiz, 2020-yilning martida Qozog‘istonda 26 nafar o‘zbekistonlik bo‘lgan avtobus ag‘darilib ketgan, 2019-yilda Qozog‘istonda Rossiyadan qaytayotgan o‘zbekistonliklar ishtirokida YTH sodir bo‘lishi oqibatida bir kishi halok bo‘lgan, 2018-yil yanvarida Aqto‘be viloyati hududida ichida O‘zbekiston fuqarolari bo‘lgan avtobus yonib ketgan va 52 nafar o‘zbekistonlik halok bo‘lgan edi.

Izoh
Asosiy yangiliklar
Madaniyat
Instagram: Ustozlarini tabriklayotgan mashhurlar, onasiga qo‘shni bo‘layotgan Nilufar Usmonova, Ziyodaning volidasiga atalgan syurprizi
Sport
A Seriya. “Roma” Eldor Shomurodov maydonga tushmagan o‘yinda “Inter”ni mag‘lub etdi
Dunyo
Nikaragua hukumati Niderlandiya bilan diplomatik munosabatlarni uzdi