Xalq ta’limi vazirligi o‘qituvchilar tomonidan ayrim hududlarda mehnat ta’tili to‘lovi kechikayotgani va kamaytirib to‘lash holatlari yuzasidan kelib tushgan murojaatlarga javob qaytardi.
Ma’lum qilinishicha, 2022-yilda pedagog xodimlarga Mehnat kodeksiga muvofiq yillik mehnat ta’tili berilib, bir yil davomida to‘liq ishlagan o‘qituvchilarga 48 kun hisobidan to‘liq mehnat ta’tili pullari to‘lab beriladi.
Ishga kirganiga bir yil bo‘lmagan o‘qituvchilarga esa mehnat ta’tili puli ularning ishlagan davriga mutanosib ravishda to‘lanadi (bunda mehnat ta’tili davri 48 kundan iborat bo‘ladi).
Ta’kidlanishicha, UzASBO dasturiy majmuasida mehnat ta’tili to‘lovlarini amalga oshirishda kuzatilgan texnik nosozliklar tezkor ravishda tegishli vazirliklar bilan hamkorlikda bartaraf etilib, ushbu to‘lovlarni amalga oshirish imkoniyati qayta tiklangan.
“Bugundan boshlab maktab xodimlariga mehnat ta’tili to‘lovlari to‘lab boriladi. Mehnat ta’tili to‘lovlarini amalga oshirishda muammo va tushunmovchiliklar yuzaga kelganda vazirlikning 71 202-09-09 ishonch telefonlariga murojaat qilishingiz mumkin”, — deyiladi izohda.
Avvalroq XTV o‘qituvchilarga attestatsiyadan o‘tish, toifa va ustama olishda yordam bo‘luvchi sertifikatlar yo‘qligidan ogohlantirgandi.
Mavzuga doir:
- O‘zbekistonda 2022-yilda maktabgacha ta’lim tizimidagi 17 mingdan ortiq pedagogning malakasi oshiriladi
- O‘zbekistonda yozgi ta’til tadbirlari va oromgohlar uchun 100 mlrd so‘mdan ziyod mablag‘ yo‘naltiriladi
- Maktab ta’miri: vazirlik pul yig‘ish taqiqlanganini aytishdan, maktablar esa pul yig‘ishdan to‘xtamayapti
Izoh (0)