Joriy yilda “OSON” elektron hamyoni o‘zining avvalgi logotipi va ilova rebrendingini o‘tkazdi.
Bugungi kunda “OSON” — O‘zbekistondagi eng yirik fintex platformalaridan biri hisoblanadi. 1 000 000 dan ziyod foydalanuvchilar elektron hamyon xizmatlaridan mamlakat ichida ham, shuningdek, dunyo bo‘ylab bahramand bo‘lmoqda.
Qanday ishlar amalga oshirildi?
Kompaniyaning asosiy mahsuloti — ilova shunchaki yangilanibgina qolmay, balki boshidan qurildi: Backend’dan Frontend’gacha. Deyarli 6 yil davomida olib borilgan sermahsul ish faoliyatidan so‘ng yangilangan ilova arxitekturasi zamonaviy standartlarga moslashtirildi. Ilovani yangilash jarayonida nafaqat logotip o‘zgartirildi, balki oldingi ilovaning arxitekturasi bilan amalga oshirish murakkab bo‘ladigan yangi xizmatlar ham qo‘shildi. Hamma narsa o‘zgardi: P2P o‘tkazmalaridan tortib, to to‘lovni amalga oshirish jarayonigacha.
Dastlab faqat bir xil tizimlar o‘rtasida pul o‘tkazish mumkin edi: Uzcard’dan Uzcard’ga, Humo’dan Humo’ga, so‘ng esa Humo va Uzcard o‘rtasida o‘tkazmalar kiritildi. Endilikda esa “OSON”ning yangilangan versiyasida ham O‘zbekiston kartalariga ham xorijiy Visa va Mastercard kartalaridan pul o‘tkazish imkoniyati yaratildi.
“OSON” foydalanuvchisi uchun yana bir katta afzallik — bu ilovaning bosh ekranidagi sozlanuvchi vidjetlar. Har bir foydalanuvchi o‘z xohishiga ko‘ra vidjetlarni qo‘shish yoki olib tashlash imkonini beruvchi Custom bosh ekranga ega bo‘ldi.
Yangilanish davomida to‘lovlarning xavfsizligiga alohida e’tibor qaratildi. Ilova foydalanuvchilari uchun himoya, jumladan, geopozitsiyani kuzatish so‘rovi qo‘shildi.
Borderless (chegarasiz)
Mamlakat moliya sektorining jadal rivojlanishi “OSON” rivojlanishining yangi bosqichini berdi, bu ilovaning yangilangan versiyasida va Borderless bilan o‘z ifodasini topdi. Borderless ifodasining muhim mezonlaridan biri, bu kompaniyaning mahalliy bozor bilan cheklanib qolmasdan, xalqaro bozorda ham faoliyat ko‘rsatishga intilishidir. Shu tarzda yaqin kelajakda “OSON” ilovasi orqali xorijiy davlatlarning xizmatlari uchun to‘lovlarni amalga oshirish mumkin bo‘ladi.
Ushbu 5 yil bozorni qamrab olish uchun keng ko‘lamli kampaniyani boshlashga tayyorgarlik bo‘ldi. Buning uchun zamonaviy uskunalar xarid qilindi, jamoaga top-mutaxassislar jalb etildi, “OSON” elektron hamyonlar va to‘lov tizimlari bo‘yicha xorijiy tajribani o‘zlashtira boshladi.
Rebrendingga kompaniyani nima undadi?
“‘OSON’ni yaratishdagi dastlabki vazifa fintex sohasida bitta katta ekotizimni rivojlantirish edi: to‘lov tizimidan tortib, to oziq-ovqat yetkazib berish hamda taksiga buyurtma berish xizmatigacha. Buni oldingi logotipda sezish mumkin, bu yerda 7 xil yo‘nalishni anglatgan va o‘zaro birlashgan 7 ta kichik doirachalar ko‘rsatilgan. Biroq o‘tgan 5 yil davomida ‘OSON’ xizmati nihoyatda tez rivojlandi va tarqalib bordi. Endi kompaniya 7 ta alohida sohaga e’tibor qaratmaydi, balki fintex xizmati sifatida ‘OSON’ning o‘ziga bitta katta urg‘u beradi”, — deya “OSON” elektron hamyonining asoschisi va bosh direktori Farhod Mahmudov fikri bilan bo‘lishdi.
“OSON” o‘sib bormoqda va kompaniya bu borada ko‘p ishlarni amalga oshirgan bo‘lsada, hali yana ko‘plab rejalarni amalga oshirishni maqsad qilib qo‘ygan. Yangilangan ilova omma uchun endi ochiq. Quyidagi havoladan o‘tib, ilova bilan tanishing.
Sayt: oson.uz
Telegram: t.me/osonuz
Facebook: fb.com/osonuz
Instagram: osonuz
YouTube: Oson
LinkedIn: osonuzb
Telefon raqam: +99871 207 80 80
Reklama huquqi asosida.
Izoh (0)