Shavkat Mirziyoyev raisligida 31-may kuni o‘tkazilgan yig‘ilishda xonaki tovuqlarni kooperatsiya asosida boqishni kengaytirish vazifasi qo‘yildi. Bu haqda prezident matbuot kotibi xabar qildi.
Qayd etilishicha, davlat rahbari Nurobod tumani tajribasini misol qilib keltirgan. Bir yil oldin ushbu tuman o‘zini tuxum bilan 50 foizga, parranda go‘shti bilan 40 foizga ta’minlagan. Joriy yilda tumanning barcha mahallasiga lider tadbirkorlar inkubator tarqatib, aholi bilan birga parranda go‘shti va tuxum yetishtirishni yo‘lga qo‘ygan. Natijada bugungi kunda ushbu tuman o‘zini tuxum va go‘sht mahsulotlari bilan ta’minlash bilan birga, Samarqand shahri, Past Darg‘om va Kattaqo‘rg‘on tumanlariga oyiga 140 mingta tuxum yetkazib bermoqda.
Mazkur tajribani o‘zining tuxum va parranda go‘shtiga ehtiyojini qoplamaydigan 50 ta tumanning 200 ta mahallasida yo‘lga qo‘yishga topshiriq berilgan.
“Ushbu tuman hokimlari yil yakunigacha o‘zgarish qilmasa, xulosa jiddiy bo‘ladi”, — degan prezident.
Ushbu mahallalar uchun oilaviy tadbirkorlik dasturlari asosida 200 million so‘mdan imtiyozli kreditlar ajratilishi, ushbu mablag‘lar hisobidan aholi jo‘jalar va ozuqa bilan ta’minlanishi belgilangan.
Mavzuga doir:
- “Narxlarni sun’iy ushlab turib, bu masalada ko‘zbo‘yamachilik yoki ura-urachilikka yo‘l qo‘yib bo‘lmaydi” – Shavkat Mirziyoyev
- “Ko‘p hokimlar narx-navoga e’tibor qilmasdan, jilovni qo‘lidan chiqarib yuborgan” — Shavkat Mirziyoyev
- “U yaratgan katta maktabni shogirdlari, yoshlarimiz, albatta, munosib davom ettiradi” — Shavkat Mirziyoyev 64 yoshida vafot etgan O‘zbekiston Qahramoni haqida
Izoh (0)