Xitoyda Xiaomi kompaniyasi bilan hamkorlikda ish olib boruvchi Huami brendi bir marta quvvatlanish orqali 45 kungacha ishlay oladigan Amazfit T-Rex 2 “aqlli” soatini taqdim etdi, deb xabar beradi GizmoChina.
Amazfit T-Rex 2 modeli 2020-yilda taqdim etilgan o‘zidan oldingi versiyaning mustahkamligi va o‘ziga xos dizaynini saqlab qolgan. Smart-soatlarga og‘irligi 66,5 grammga teng 1,39 dyuymli AMOLED-ekran o‘rnatilgan va u 15 ta harbiy sertifikatga ega. Ulardan Selsiy bo‘yicha -30 daraja sovuqda ham foydalanish mumkin.
Qurilma zanglamaydigan po‘latdan ishlangan to‘rtta metall tugma bilan jihozlangan. Suv o‘tkazmaydigan korpusi ajoyib darajada — uning yordamida 100 metr chuqurlikkacha tushish mumkin. Nam yuqtirmaydigan tasmasi antibakterial silikon materialdan ishlangan.
Smart-soatlarda kompas, barometr va 150 ta, jumladan, alpinizm, chang‘i uchish va baliq ovlash kabi sport rejimlari mavjud. Devays besh turdagi — Beidou, GPS, GLONASS, Galileo va QZSS — global sun’iy yo‘ldosh tizimlarini qo‘llab-quvvatlaydi.
Qopqog‘i ostidan sig‘imi 500 mA/soatga teng batareya o‘rin olgan bo‘lib, uning yordamida soat 24 kungacha oddiy rejimda ishlay oladi. Energiya tejamorlik rejimiga o‘tilganda esa ushbu muddat 45 kungacha oshishi yoki intensiv foydalanilganda 10 kungacha tushishi mumkin.
Amazfit T-Rex 2 to‘rt xil rangda 31-maydan Xitoyda sotuvga chiqadi.
Avvalroq Poco kompaniyasi o‘zining birinchi “aqlli” soati va geymerlar uchun Buds Pro naushniklarini taqdim etgani to‘g‘risida xabar berilgandi.
Izoh (0)