Bugun,

  • USD 10940.05
  • RUB 182.26
  • EUR 11121.65

Harakatlar strategiyasida bajarilmagan ma’lum bir bandlar taraqqiyot strategiyasiga o‘tkazilgan. Bu haqda Taraqqiyot strategiyasi markazi tomonidan o‘tkazilgan tadbirda markaz ijrochi direktori Eldor Tulyakov “Daryo” muxbiri bilan suhbatda aytib o‘tdi.

Uning aytishicha, ma’lum masalalar yuzasidan davlat dasturlari qabul qilinayotganda prognozlar, ehtimollar o‘zgacha bo‘ladi, lekin to‘satdan turli holatlar yuzaga kelishi mumkin.

“Masalan, pandemiya bo‘lganda harakatlar strategiyasi doirasidagi ma’lum masalalar bajarilmadi. Xususan, hokimlarni saylash masalasiga bir necha bor to‘xtalib o‘tilgan, lekin u bajarilmadi. Aynan shuning uchun ham bu qanchalik muhimligini inobatga olib turib taraqqiyot strategiyasida mazkur masalani bajarish bo‘yicha maqsad qilingan. Avvalo, bu bo‘yicha qonunchilikni yaratish, so‘ng uni amaliyotga joriy qilish bo‘yicha, ya’ni davlat qo‘ygan maqsadi — ertaga esidan chiqib ketib yoki chetga surib qo‘yish emas”, — deydi Eldor Tulyakov.

Taraqqiyot strategiyasi markazi ijrochi direktorining ta’kidlashicha, Harakatlar strategiyasida ma’lum bir sabablarga ko‘ra bajarilmagan ayrim bandlar taraqqiyot strategiyasiga asoslantirilgan holda o‘tkazilgan va ularning ijrosi nazoratga olingan.

“Yana bir masala, tadbirkorlik kodeksini ishlab chiqish masalasi qo‘yilgandi. Ushbu masala ham dolzarb ahamiyat kasb etadi. Tadbirkorlikka oid qonunlarimiz hozir tarqoq ahvolda ekani va bu tadbirkorlarga noqulaylik tug‘dirayotgani, shuning uchun ham bu muhimligi inobatga olinib yangi strategiyaga ko‘chirilgan”, — deydi Tulyakov.

Izoh
Asosiy yangiliklar
Mahalliy
O‘zbekistonliklar sayohat uchun ko‘proq qaysi davlatlarga borayotgani ma’lum qilindi
Dunyo
Ijevskdagi maktabda yuz bergan otishma qurbonlari soni 17 kishiga yetdi
Sport
Millatlar Ligasida uchinchi yarim finalchi nomi ma’lum bo‘ldi