Toshkentda 32 ta uy-joy shirkati jami 3,5 mlrd so‘mni maqsadsiz sarflagan yoki talon-toroj qilgan

Aholi murojaatlariga asosan Uy-joy fondi inspeksiyasi tomonidan Toshkent shahridagi uy-joy mulkdorlari shirkatlarining faoliyatini o‘rganish ishlari davomida bir qator qonun buzilishi holatlari aniqlandi. Bu haqda Uy-joy kommunal xizmat ko‘rsatish vazirligi xabar qildi.

Qayd etilishicha, 32 ta shirkat tomonidan 28 ta holatda jami 3,5 milliard so‘m mablag‘ maqsadsiz sarflangani yoki talon-taroj qilingani aniqlangan. Xususan:

• Mirzo Ulug‘bek tumanida 409,9 million so‘m:
• Yunusobod tumanida 563,7 million so‘m:
• Yashnobod tumanida 625 million so‘m:
• Sergeli tumanida 92,9 million so‘m;
• Yangi hayot tumanida 98 million so‘m:
• Yakkasaroy tumanida 377 million so‘m:
• Olmazor tumanida 245,2 million so‘m:
• Chilonzor tumanida 196,9 million so‘m:
• Uchtepa tumanida 753,1 million so‘m;
• Mirobod tumanida 15,2 million so‘m;
• Bektemir tumanida 176,6 million so‘m majburiy badal mablag‘lari maqsadsiz ishlatilgan yoki talon-toroj qilingan.

Eslatib o‘tamiz, O‘zbekistonda 23 ta uy-joy mulkdorlari shirkati tomonidan 1,7 mlrd so‘m talon-toroj qilingan.

Avvalroq Sirdaryoda o‘zgalar nomiga 1,2 mlrd so‘m kredit rasmiylashtirgan sobiq bank xodimlariga jinoyat ishi ochilgani, Zangiotada 5,9 mlrd so‘m imtiyozli kredit mablag‘larini talon-toroj qilgan rahbarlar aniqlangani, Toshkentda o‘zi ishlaydigan korxonaning 160 mln so‘mdan ortiq mablag‘ini talon-toroj qilgan bosh hisobchi ushlangani to‘g‘risida xabar berilgandi.