Zlatan Ibrahimovich Shvetsiya Jahon Chempionatiga chiqa olmagan bo‘lsa ham terma jamoadan ketmasligini ma’lum qildi.
Shvetsiya JCh—2022 saralash pley-off bosqichida Polshaga imkoniyatni boy berdi.
Mag‘lubiyat terma jamoamiz foydasiga bo‘lishi mumkin. Bu rivojlanishda davom etayotgan yangi jamoa. Ushbu loyihada ishtirok etayotganimdan xursandman.Ibrahimovich 2016-yil 22-iyunda Shvetsiya terma jamoasidagi faoliyatini yakunlagan edi. Ammo 2021-yil 16-mart kuni terma jamoaga qaytganini e’lon qildi. 40 yoshli hujumchi Shvetsiya safida 121 ta o‘yinda ishtirok etib, 62 ta golga mualliflik qilgan.Hozir dunyodagi eng baxtli inson emasman, ammo maydonga tushish yoqimli bo‘ldi. Vaziyat qanday rivojlanishiga qarab maydonga tushishimni rejalashtirgandik. Har bir daqiqaga bonus sifatida qarayman. Imkon qadar uzoq vaqt o‘ynashni xohlayman. Polshaga yutqazganimiz sababligina terma jamoadan ketmayman. Har doim o‘zimni yaxshi his qilaman va jamoaga yordam berishni xohlayman.
Jahon Chempionatiga chiqish uchun bizda 90 daqiqa bor edi. Ba’zan imkoniyatingdan foydalana olmaysan va ochko yo‘qotasan. Bu futbol, qanchalik kuchli harakat qilma, baribir natija muhim. Penaltidan gol o‘tkazib yuborganimiz achinarli, ammo… O‘tmishga nazar tashlashdan ma’no yo‘q. Kelajak haqida o‘ylash lozim.
Lekin men juda uzoqqa qaramayman. Ikki yil — uzoq muddat. Ko‘ramiz, klubdagi va terma jamoadagi faoliyatimda nima sodir bo‘lar ekan.
Zlatan Ibrahimovich, futbolchi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)