“Barselona” prezidenti Xoan Laporta Yevropa Superligasi loyihasi yopilmaganini aytdi.
Superliga yashayapti. Sudni kutyapmiz va erkin raqobat huquqimizni himoya qilamiz. Va u g‘alaba qozonadi.Avvalroq Yevropa Superligasi g‘oyasini qo‘llab-quvvatlovchi “Barselona”, “Real” va “Yuventus” yozda o‘rtoqlik o‘yinlari tashkillashtirmoqchiligi haqida xabarlar chiqqan edi.Endi Superliga yopiq emas ochiq turnir. Loyiha rivojlanmoqda. U, albatta, dunyodagi eng jozibador musobaqaga aylanadi. Superliga Chempionlar Ligasining takomillashtirilgan versiyasi bo‘lishi mumkin.
Barchasi UEFA bilan kelishuv orqali yakunlanadi, deb o‘ylayman. Hammasi shu yo‘l bilan ketadi, lekin klublar jarayonni nazorat qiladi.
Davlatlar tomonidan moliyalashtiriladigan klublar UEFA bilan hamkorlik qilmoqda, ular bu orqali istagan ishini qilish huquqini qo‘lga kiritib, Yevropa futboli xo‘jayiniga aylanib oladi, bunday bo‘lmasligi kerak. Boshqa klublar omon qolishi uchun bunga yo‘l qo‘ymaslik ochiq-oydin ko‘rinib turibdi.
Juda ko‘p ingliz jamoalari Superligani qo‘llab-quvvatlaydi, ammo bu haqida baland ovozda gapirmaydi. Chunki ish hali sudda ko‘rib chiqilmoqda.
Xoan Laporta, “Barselona” prezidenti
2021-yilning 18-aprel kuni 12 klub boshchiligida Yevropa Superligasiga asos solingandi. Oradan ikki kun o‘tib qator klublar birin-ketin loyihani tark eta boshladi va Superliga loyihasi vaqtincha to‘xtatildi.
Izoh (0)