25-mart kuni Veon kompaniyalar guruhi bosh direktori Kaan Terzio‘g‘lu O‘zbekiston Respublikasi Axborot texnologiyalari va kommunikatsiyalarini rivojlantirish vaziri Sherzod Shermatov bilan uchrashdi. Uchrashuvda Beeline Uzbekistan bosh direktori Andrzej Malinovski va Veon direktorlar kengashi hammuassisi va faxriy raisi Augiye Fabela ishtirok etdi.
Yig‘ilish doirasida modernizatsiya qilingan transport kanalining tantanali ishga tushirish marosimi bo‘lib o‘tdi. U abonent trafigini Toshkent va Samarqand o‘rtasida 600 Gbit/s tezlikda o‘tkaza boshladi, bu esa operatorning mobil aloqa xizmatlaridan barcha foydalanuvchilariga ijobiy ta’sir ko‘rsatadi. Beeline Uzbekistan tarixida bu shunday quvvatga ega birinchi kanaldir.
2022-yilda magistral optik tolali tarmoqlarni modernizatsiya qilish loyihasi mamlakatimizning bir qancha yirik shaharlarini qamrab oladi. Toshkent—Guliston—Jizzax—Samarqand yo‘nalishida ma’lumotlar almashinuvi tezligi oshiriladi. Bundan tashqari, har bir shahar poytaxtdagi Beeline Uzbekistan ma’lumotlarni qayta ishlash markaziga (MHM) bevosita ulangan. Huawei kompaniyasining yangi NG-WDM platformasiga asoslangan ushbu texnik yechim kanalning yuqori xavfsizligini ta’minlaydi, shuningdek, ma’lumotlarni uzatishning yuqori tezligini kafolatlaydi.
Magistral tarmoqni modernizatsiya qilish Beeline xizmatlaridan har bir foydalanuvchiga ijobiy ta’sir ko‘rsatadi. Shu tariqa Samarqandga ketayotgan trafik oraliq stansiyalarda ham to‘xtamaydi. Bu shuni anglatadiki, shaharlararo qo‘ng‘iroqlarni amalga oshirishda ulanishning kechikishi minimal bo‘ladi. 600 Gb/s tezlik abonentlarga bir vaqtning o‘zida 600 000 dan ortiq onlayn HD videolarni tomosha qilish yoki internetda 2,5 millionga yaqin musiqiy kompozitsiyalarni tinglash imkonini beradi. Operatorning o‘zi esa asosiy kanallar sig‘imini oshirish evaziga 300 ga yaqin qo‘shimcha baza stansiyalarini ishga tushirishi va O‘zbekiston hududini yanada zichroq qamrab olishni ta’minlashi mumkin bo‘ladi.
“Bugungi modernizatsiya Beeline mijozlari manfaatlarini ko‘zlab, kelajakdagi yangilanishlar uchun poydevor yaratishi muhim. Toshkent—Samarqand liniyasida qo‘llaniladigan NG-WDM texnologiyasi yaqin kelajakda ma’lumotlar uzatish hajmini ko‘paytirish imkonini berib, ular keyinchalik petabaytlarda o‘lchanadi”, — dedi Beeline Uzbekistan bosh direktori Andrzej Malinovski.
***
Unitel MChJ 2006-yilning 12-sentabrdan boshlab, Beeline Uzbekistan savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam (Niderlandiya) shahrida joylashgan Veon xalqaro telekommunikatsiya xoldingi tarkibiga kiradi.
Veon 9 mamlakatda 217 milliondan ortiq obunachiga ega global telekommunikatsiya va internet xizmatlarining provayderi. Uning aksiyalari NASDAQ va Euronext Amsterdam fond bozorlarida joylashgan.
Beeline Uzbekistan’da 1,6 mingga yaqin xodim ishlaydi. 2006-yildan buyon O‘zbekiston bozoriga kirishi bilan Veon mamlakat telekommunikatsiya sohasiga 1,2 milliard AQSh dollaridan ortiq sarmoya kiritdi. Beeline SB’ning O‘zbekistondagi faoliyati davomida 1,8 milliard dollardan ortiq soliq to‘langan.
Sayt: beeline.uz
Facebook: fb.com/beeline.uz
Instagram: beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: linkedin.com/company/beeline-uzbekistan/
Reklama huquqi asosida.
Izoh (0)