25 март куни Veon компаниялар гуруҳи бош директори Каан Терзиўғлу Ўзбекистон Республикаси Ахборот технологиялари ва коммуникацияларини ривожлантириш вазири Шерзод Шерматов билан учрашди. Учрашувда Beeline Uzbekistan бош директори Андрзеж Малиновски ва Veon директорлар кенгаши ҳаммуассиси ва фахрий раиси Аугие Фабела иштирок этди.
Йиғилиш доирасида модернизация қилинган транспорт каналининг тантанали ишга тушириш маросими бўлиб ўтди. У абонент трафигини Тошкент ва Самарқанд ўртасида 600 Гбит/с тезликда ўтказа бошлади, бу эса операторнинг мобил алоқа хизматларидан барча фойдаланувчиларига ижобий таъсир кўрсатади. Beeline Uzbekistan тарихида бу шундай қувватга эга биринчи каналдир.
2022 йилда магистрал оптик толали тармоқларни модернизация қилиш лойиҳаси мамлакатимизнинг бир қанча йирик шаҳарларини қамраб олади. Тошкент—Гулистон—Жиззах—Самарқанд йўналишида маълумотлар алмашинуви тезлиги оширилади. Бундан ташқари, ҳар бир шаҳар пойтахтдаги Beeline Uzbekistan маълумотларни қайта ишлаш марказига (MHM) бевосита уланган. Huawei компаниясининг янги NG-WDM платформасига асосланган ушбу техник ечим каналнинг юқори хавфсизлигини таъминлайди, шунингдек, маълумотларни узатишнинг юқори тезлигини кафолатлайди.
Магистрал тармоқни модернизация қилиш Beeline хизматларидан ҳар бир фойдаланувчига ижобий таъсир кўрсатади. Шу тариқа Самарқандга кетаётган трафик оралиқ станцияларда ҳам тўхтамайди. Бу шуни англатадики, шаҳарлараро қўнғироқларни амалга оширишда уланишнинг кечикиши минимал бўлади. 600 Гб/с тезлик абонентларга бир вақтнинг ўзида 600 000 дан ортиқ онлайн HD видеоларни томоша қилиш ёки интернетда 2,5 миллионга яқин мусиқий композицияларни тинглаш имконини беради. Операторнинг ўзи эса асосий каналлар сиғимини ошириш эвазига 300 га яқин қўшимча база станцияларини ишга тушириши ва Ўзбекистон ҳудудини янада зичроқ қамраб олишни таъминлаши мумкин бўлади.
«Бугунги модернизация Beeline мижозлари манфаатларини кўзлаб, келажакдаги янгиланишлар учун пойдевор яратиши муҳим. Тошкент—Самарқанд линиясида қўлланиладиган NG-WDM технологияси яқин келажакда маълумотлар узатиш ҳажмини кўпайтириш имконини бериб, улар кейинчалик петабайтларда ўлчанади», — деди Beeline Uzbekistan бош директори Андрзеж Малиновски.
***
Unitel МЧЖ 2006 йилнинг 12 сентябрдан бошлаб, Beeline Uzbekistan савдо белгиси остида хизматлар кўрсатиб келмоқда. Beeline Uzbekistan бош қароргоҳи Амстердам (Нидерландия) шаҳрида жойлашган Veon халқаро телекоммуникация холдинги таркибига киради.
Veon 9 мамлакатда 217 миллиондан ортиқ обуначига эга глобал телекоммуникация ва интернет хизматларининг провайдери. Унинг акциялари NASDAQ ва Euronext Amsterdam фонд бозорларида жойлашган.
Beeline Uzbekistan’да 1,6 мингга яқин ходим ишлайди. 2006 йилдан буён Ўзбекистон бозорига кириши билан Veon мамлакат телекоммуникация соҳасига 1,2 миллиард АҚШ долларидан ортиқ сармоя киритди. Beeline SB’нинг Ўзбекистондаги фаолияти давомида 1,8 миллиард доллардан ортиқ солиқ тўланган.
Сайт: beeline.uz
Facebook: fb.com/beeline.uz
Instagram: beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: linkedin.com/company/beeline-uzbekistan/
Реклама ҳуқуқи асосида.
Изоҳ (0)