Ijtimoiy tarmoqlarda “Farhod” bozoridagi avtomobillarga ehtiyot qismlar sotiladigan do‘konda bir necha shaxslar tomonidan fuqaro kaltaklanayotgani tasvirlangan video tarqaldi. Toshkent shahar IIBB holat yuzasidan ma’lumot berdi.
Ma’lum qilinishicha, 21-mart kuni taxminan soat 19:00 larda Chilonzor tumanida joylashgan avtomobil ehtiyot qismlari do‘konlaridan birida sotuvchilar o‘rtasida janjal yuzaga kelgan. Janjal natijasida 27 yoshli A.I. tan jarohatlari olib, tibbiyot muassasasiga joylashtirilgan.
Mazkur holat yuzasidan Chilonzor tumani IIO FMB Tergov bo‘limi tomonidan Jinoyat kodeksining 277-moddasi (bezorilik) alomatlari bilan jinoyat ishi qo‘zg‘atilgan. Hozirda tergov harakatlari davom etmoqda.
Avvalroq Toshkentda sotuvchilar va ularning oila a’zolari o‘rtasida janjal sodir bo‘lgani yuzasidan jinoyat ishi qo‘zg‘atilgandi.
Mavzuga doir:
- Toshkentda Spark yo‘lini to‘sib qo‘ygan Matiz haydovchisi kaltaklandi. Mushtumzo‘rlar qamoqqa olindi
- Olmaliqdagi restoranda mast erkak va ayollar o‘rtasida janjal yuz berdi (video)
- Asakada maktab o‘quvchilari o‘rtasida ommaviy mushtlashuv sodir bo‘ldi (video)
- Buxoroda futbol o‘ynagan ikki qishloq fuqarolari o‘rtasida ommaviy mushtlashuv sodir bo‘ldi (video)
Izoh (0)