Ижтимоий тармоқларда «Фарҳод» бозоридаги автомобилларга эҳтиёт қисмлар сотиладиган дўконда бир неча шахслар томонидан фуқаро калтакланаётгани тасвирланган видео тарқалди. Тошкент шаҳар ИИББ ҳолат юзасидан маълумот берди.
Маълум қилинишича, 21 март куни тахминан соат 19:00 ларда Чилонзор туманида жойлашган автомобиль эҳтиёт қисмлари дўконларидан бирида сотувчилар ўртасида жанжал юзага келган. Жанжал натижасида 27 ёшли А.И. тан жароҳатлари олиб, тиббиёт муассасасига жойлаштирилган.
Мазкур ҳолат юзасидан Чилонзор тумани ИИО ФМБ Тергов бўлими томонидан Жиноят кодексининг 277-моддаси (безорилик) аломатлари билан жиноят иши қўзғатилган. Ҳозирда тергов ҳаракатлари давом этмоқда.
Аввалроқ Тошкентда сотувчилар ва уларнинг оила аъзолари ўртасида жанжал содир бўлгани юзасидан жиноят иши қўзғатилганди.
Мавзуга доир:
- Тошкентда Spark йўлини тўсиб қўйган Matiz ҳайдовчиси калтакланди. Муштумзўрлар қамоққа олинди
- Олмалиқдаги ресторанда маст эркак ва аёллар ўртасида жанжал юз берди (видео)
- Асакада мактаб ўқувчилари ўртасида оммавий муштлашув содир бўлди (видео)
- Бухорода футбол ўйнаган икки қишлоқ фуқаролари ўртасида оммавий муштлашув содир бўлди (видео)
Изоҳ (0)