Bugun,

  • USD 11095.31
  • RUB 173.84
  • EUR 10772.44

Rossiya Mudofaa vazirligi avgust oyida bo‘lib o‘tadigan “Armiya-2022” harbiy-texnik forumi doirasida birinchi Xalqaro antifashistik kongress o‘tkazadi. Bu haqda vazirlik rahbari Sergey Shoygu selektor yig‘ilishida ma’lum qildi, deb yozadi Meduza.

Foto: “Kommersant”

Foto: “Kommersant”

Uning so‘zlariga ko‘ra, kongress “zamonaviy dunyoda har qanday ko‘rinishda namoyon bo‘ladigan natsizm mafkurasiga, neonatsizmga qarshi kurashda xalqaro hamjamiyat sa’y-harakatlarini birlashtirishga” chaqiradi.

Shuningdek, yig‘ilish davomida mudofaa vaziri Rossiya armiyasi Ukrainadagi “maxsus harbiy operatsiya”sini oldinga “qo‘yilgan maqsadlarga erishilgunga qadar” davom ettirishini ma’lum qildi.

“Biz uchun asosiysi Ukraina xalqidan mamlakatimizga qarshi kurashda foydalanishga urinayotgan G‘arb davlatlari tomonidan bo‘layotgan harbiy tahdiddan Rossiya Federatsiyasini himoya qilishdir”, — dedi Shoygu.

Mudofaa vazirligi rahbari Rossiya Ukrainani bosib olmoqchi emasligi, “faqat harbiy obyektlarga va yuqori aniqlikdagi qurollar bilan” zarba berayotganini yana bir bor ta’kidladi.

“Armiya-2022” harbiy-texnik forumi 15—21-avgust kunlari bo‘lib o‘tadi. Forumga 129 davlatdan delegatsiyalar va sanoat korxonalari taklif etilgan.

24-fevral kuni Rossiya prezidenti Vladimir Putin Donbass aholisini himoya qilish, Ukrainani “demilitarizatsiya” va “denazifikatsiya qilish” uchun “maxsus harbiy operatsiya” boshlanganini e’lon qildi. Kreml gap “harbiy salohiyatni zararsizlantirish” va “Ukrainani natsistlardan tozalash” haqida ketayotganini tushuntirdi. Putinning bayonotidan keyin Ukraina shaharlari bir necha bor o‘qqa tutildi. Rossiya Mudofaa vazirligi bunga aloqadorligini rad etmoqda.

Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live

Izoh
Asosiy yangiliklar
Dunyo
AQSH osmonida razvedkachi havo shari aniqlandi. Pentagon sharni Xitoyga tegishli deb hisoblamoqda (video)
Mahalliy
O‘zbekistonning qator hududlarida 4-fevral kuni ham yomg‘ir yog‘adi
Kino
Kino ijodkorlar tomonidan ishora qilingan, ammo ko‘pchilik payqamagan mashhur filmlardagi detallar (foto)