Bugun,

  • USD 11095.31
  • RUB 173.84
  • EUR 10772.44

Namangan viloyatining Uchqo‘rg‘on tumanidagi oshxonalardan birining yerto‘lasida qimorxona tashkil etgan aniqlandi, deb xabar beradi Tergov departamenti.

Foto: Tergov departamenti

Foto: Tergov departamenti

Ma’lum qilinishicha, 2022-yilning 27-yanvar kuni Namangan viloyati IIB xodimlari tomonidan tezkor tadbir o‘tkazilgan. Tadbir davomida 47 yoshli Yu.I. tumandagi “Tungi yog‘du” oshxonasining yerto‘lasini tavakkalchilikka asoslangan o‘yinlar o‘tkazish maqsadida stol-stullar, karton qog‘oz yordamida o‘yin kartalari, temir va yog‘ochdan o‘yin barabani, latta materialdan o‘yin qopchasi bilan jihozlagani aniqlangan. U oq va qora rangli sharchalarni 1 dan 90 gacha tartib bilan raqamlagan holda o‘yin kartalarini fuqarolarga 5 ming so‘mdan sotib, “Baxtli voqea” qimor o‘yinlarini qonunga xilof ravishda tashkil etib kelgan.

Fuqaro Yu.I. tomonidan noqonuniy tashkil etilgan tavakkalchilikka asoslangan “Baxtli voqea” qimor o‘yinida 15 nafardan ortiq fuqaro ishtirok etayotgani, shuningdek, o‘yinga tikilgan 673 ming so‘m pul, yuqorida sanab o‘tilgan jihozlar tegishli tartibda protsessual rasmiylashtirilgan.

Foto: Tergov departamenti

Foto: Tergov departamenti

Mazkur holat yuzasidan Uchqo‘rg‘on tuman IIB huzuridagi Tergov bo‘linmasi tomonidan Yu.I.ga nisbatan Jinoyat kodeksining 278-moddasi 1-qismi (qimor va tavakkalchilikka asoslangan boshqa o‘yinlarni tashkil etish hamda o‘tkazish) bilan jinoyat ishi qo‘zg‘atilib, gumon qilinuvchi tariqasida jalb qilingan. Hozirda tergov harakatlari davom etmoqda.

Avvalroq Namanganda noqonuniy xo‘roz urishtirish o‘yinlarini tashkil qilgan shaxsga jinoyat ishi qo‘zg‘atilgani to‘g‘risida xabar berilgandi.

Izoh
Asosiy yangiliklar
Mahalliy
“Chegara masalasining yakuniy hal etilishi Markaziy Osiyo mintaqasida barqarorlik va xavfsizlikni mustahkamlashga xizmat qiladi” —  Sadir Japarov 
Dunyo
“Bizga hayvonlardan yomonroq munosabatda bo‘lishadi” — Afg‘onistonlik qiz “Tolibon”ning cheklovlari haqida (video)