Malaviga yopirilgan “Ana” tropik sikloni sabab yuzaga kelgan suv toshqini va kuchli shamol oqibatida kamida to‘rt kishi halok bo‘ldi. Shuningdek, mamlakatning katta qismi elektr energiyasisiz qolgani aytilmoqda, deb xabar beradi Sinxua agentligi.
Foto: Sfgate
Tabiiy ofatlarga qarshi kurashish departamenti bayonotiga ko‘ra, mamlakat janubidagi Chikvava, Nsanje, Falombe va Mulanye okruglariga jiddiy zarar yetgan. Hududlardagi binolar vayron bo‘lgan, asosiy yo‘llar uzilgan, yuzlab oilalar o‘z uyini tark etishga majbur bo‘lgan.
Malavida elektr energiyasini ishlab chiqarishga mas’ul kompaniya o‘zining ish samaradorligi 70 foizga tushib ketganini ma’lum qilgan.
Hozirda mamlakatning turli viloyatlarida tarkibidan, politsiya Mudofaa, Dengiz piyodalari departamenti, Qizil Xoch jamiyati vakillari o‘rin olgan qutqaruv guruhlari ishlamoqda.
25-yanvar kuni O‘zbekiston, Qozog‘iston va Qirg‘izistonning yirik shaharlari elektr energiyasi ta’minotisiz qolgan edi. Keyinroq elektr energiyasining ommaviy uzilishiga Markaziy Osiyo yagona elektr tarmog‘ida nosozlik sabab bo‘lgani aytildi. Shu kuni kechga borib, Qozog‘iston hukumati mamlakatda energetika tizimi qayta ishga tushirilganini ma’lum qildi. O‘zbekistonning elektr energiyasi bilan ta’minlanish darajasi esa 26-yanvar soat 09:30 holatiga ko‘ra 70 foizni tashkil qilmoqda.
Eslatib o‘tamiz, 2021-yil dekabr boshlarida Braziliyada suv toshqini tufayli 7 kishi halok bo‘lgan, minglab odamlar evakuatsiya qilingan edi. Yanvar o‘rtalarida esa Rossiyaning Saxalin viloyatidagi qor sikloni sovuq shamollar va bo‘ron olib kelgandi.
