Малавига ёпирилган «Ана» тропик циклони сабаб юзага келган сув тошқини ва кучли шамол оқибатида камида тўрт киши ҳалок бўлди. Шунингдек, мамлакатнинг катта қисми электр энергиясисиз қолгани айтилмоқда, деб хабар беради Sinxua агентлиги.
Табиий офатларга қарши курашиш департаменти баёнотига кўра, мамлакат жанубидаги Чиквава, Нсанже, Фаломбе ва Мулане округларига жиддий зарар етган. Ҳудудлардаги бинолар вайрон бўлган, асосий йўллар узилган, юзлаб оилалар ўз уйини тарк этишга мажбур бўлган.
Малавида электр энергиясини ишлаб чиқаришга масъул компания ўзининг иш самарадорлиги 70 фоизга тушиб кетганини маълум қилган.
Ҳозирда мамлакатнинг турли вилоятларида таркибидан, полиция Мудофаа, Денгиз пиёдалари департаменти, Қизил Хоч жамияти вакиллари ўрин олган қутқарув гуруҳлари ишламоқда.
25 январь куни Ўзбекистон, Қозоғистон ва Қирғизистоннинг йирик шаҳарлари электр энергияси таъминотисиз қолган эди. Кейинроқ электр энергиясининг оммавий узилишига Марказий Осиё ягона электр тармоғида носозлик сабаб бўлгани айтилди. Шу куни кечга бориб, Қозоғистон ҳукумати мамлакатда энергетика тизими қайта ишга туширилганини маълум қилди. Ўзбекистоннинг электр энергияси билан таъминланиш даражаси эса 26 январь соат 09:30 ҳолатига кўра 70 фоизни ташкил қилмоқда.
Эслатиб ўтамиз, 2021 йил декабрь бошларида Бразилияда сув тошқини туфайли 7 киши ҳалок бўлган, минглаб одамлар эвакуация қилинган эди. Январь ўрталарида эса Россиянинг Сахалин вилоятидаги қор циклони совуқ шамоллар ва бўрон олиб келганди.
Изоҳ (0)