Bugun,

  • USD 11095.31
  • RUB 173.84
  • EUR 10772.44

Avgusto Pinochetning bevasi, Chilining sobiq birinchi xonimi Lusiya Iriart 16-dekabr kuni Santyagodagi qarorgohidan vafot etdi. Bu haqda La Tercera gazetasiga tayanib, Meduza xabar berdi.

Foto: Reuters

Foto: Reuters

10-dekabr kuni Iriart 99 yoshni qarshilagan edi.

Ma’lumot uchun, Lusiya Iriart 1922-yilda advokat va Chilining sobiq ichki ishlar vaziri Osvaldo Iriart Korvalan oilasida dunyoga kelgan. 1943-yilda u harbiy Augusto Pinochetga (1915—2006-yillar) turmushga chiqqan. Ularning nikohidan besh farzand dunyoga kelgan.

Manbalarga ko‘ra, aynan Lusiya Iriart turmush o‘rtog‘ini 1973-yilda prezident Salvador Alyendega qarshi to‘ntarishni tashkillashtirishga undagan. Pinochetning Chilidagi diktaturalik davrida — 1973-yildan 1990-yilga qadar Iriart erining yaqin maslahatchisi bo‘lib, mamlakat siyosatiga katta ta’sir ko‘rsatgan. Rasmiy ma’lumotlar bo‘yicha Chilidagi dikratura davrida siyosiy bahonalar bilan 3 mingdan ortiq odam o‘ldirilgan, 35 mingdan ziyod fuqaro qiynoqlarga solingan.

2016-yilda Lusiya Iriart o‘zi boshchilik qilgan CEMA jamg‘armasidan budjet mablag‘larini o‘g‘irlashda ayblangan edi.

Eslatib o‘tamiz, 2016-yilda Chili generali Augusto Pinochet diktaturasi yillarida qiynoqlarga duchor etilgan 15 nafar siyosiy mahbus ilk marta mamlakat hukumati tomonidan harbiy tuzum jinoyatlari haqidagi arxivlarning fosh etilishiga erishgandi.

Izoh
Asosiy yangiliklar
Kino
Roli sabab tomoshabinlar tanqidi va g‘azabiga uchragan mashhur aktyor va aktrisalar (foto)
Dunyo
Putinning askarlar onalari bilan uchrashuvi feykmi? Ushbu uchrashuvda aslida kimlar qatnashgani ma’lum bo‘ldi
Mahalliy
O‘zbekistonda 25-noyabr kuni 124 kishida koronavirus aniqlandi