O‘zbekiston tashqi ishlar vaziri Abdulaziz Komilov 24-noyabr kuni Norvegiyaning O‘zbekistondagi elchisi (qarorgohi Oslo shahrida) etib tayinlangan Jon Mikal Kvistadni qabul qildi, deb xabar bermoqda vazirlik matbuot xizmati.
Ishonch yorliqlarini qabul qilib olgan vazir elchini yuqori mas’uliyatli lavozimga tayinlangani bilan tabrikladi va faoliyatiga omad tilagan
Suhbat chog‘ida siyosiy, savdo-iqtisodiy, madaniy-gumanitar va boshqa sohalarda O‘zbekiston—Norvegiya munosabatlarining bugungi holati va ularni yanada rivojlantirishning ustuvor yo‘nalishlari, shuningdek, tomonlarning xalqaro tashkilotlar doirasidagi o‘zaro hamkorligi muhokama qilingan.
Bo‘lajak tadbirlar, xususan, vazirliklararo siyosiy maslahatlashuvlarning navbatdagi davrasini o‘tkazish jadvali ko‘rib chiqilgan. Shuningdek, xalqaro va mintaqaviy ahamiyatga molik ayrim masalalar, jumladan, Afg‘onistondagi vaziyat yuzasidan fikr almashilgan.
Bundan avval O‘zbekistonning Misrdagi yangi elchisi, Niderlandiyaning O‘zbekistondagi yangi elchisi tayinlangani, O‘zbekistonning Xitoydagi sobiq elchisi Baxtiyor Saidov xalq ta’limi vaziri lavozimini egallagani haqida xabar berilgan edi.
Izoh (0)