Bugun,

  • USD 11095.31
  • RUB 173.84
  • EUR 10772.44

Farg‘onada taksi haydovchisini pichoqlab o‘ldirib, uning mashinasini olib qochgan 3 nafar shaxsga nisbatan jinoyat ishi qo‘zg‘atildi, deb xabar beradi “Daryo” muxbiri.

Ma’lum qilinishicha, 2021-yilning 16-oktabr kuni soat 00:17 larda Qo‘shtepa tumani “Xumdon” mahallasi hududidagi zovur yoqasidan 30-35 yosh atrofidagi erkak kishining jasadi topilgan. Tezkor surishtiruv natijasida marhum Marg‘ilon shahar “Alisher Navoiy” MFYda yashagan 34 yoshli S.Y. ekani aniqlangan.

Qayd etilishicha, Marg‘ilon shahar “Ahmad Yassaviy” mahallasida yashovchi 25 yoshli A.A. o‘zining tanishlari – 2001-yilda tug‘ilgan M.M. hamda A.M. ismli yigitlar bilan o‘zaro jinoiy til biriktirib, o‘zganing avtomashinasini qo‘lga kiritib, uni bo‘laklarga bo‘lib sotishni reja qilgan.

15-oktabr kuni soat 21:00 larda A.A. o‘ziga tegishli bo‘lgan Lacetti rusumli avtomashinasida jinoiy sheriklarini Farg‘ona shahrida joylashgan O‘lkashunoslik muzeyi yoniga tashlab qo‘ygan. O‘zi Qo‘shtepa tumani “Xumdon” mahallasiga borib, oldindan kelishilgan jinoiy rejani amalga oshirish maqsadida ularni kutib turgan. Bu orada M.M. va A.M. haydovchi S.Y. boshqaruvida bo‘lgan Spark avtomashinasini kira qilib, “Xumdon” mahallasiga borgan. U yerda haydovchini bo‘g‘ib, pichoq bilan tanasining turli joylariga tan jarohati yetkazib, o‘ldirgan. Avtomashinani qo‘lga kiritib, noma’lum tomonga yashiringan.

Mazkur holat yuzasidan Farg‘ona viloyati prokuraturasi tomonidan Jinoyat kodeksining 97- (qasddan odam o‘ldirish) va 164-moddalari (bosqinchilik) bilan jinoyat ishi qo‘zg‘atilgan. Jinoyat ishi doirasida 3 nafar shaxs gumonlanuvchi tariqasida protsessual tartibda ushlangan. Hozirda tergov harakatlari olib borilmoqda.

Avvalroq Toshkentga ketayotgan taksi haydovchisiga tosh bilan hujum qilib, yonidagi 4800 dollarni olib qochgan shaxs qo‘lga olingani to‘g‘risida xabar berilgandi.

Izoh
Asosiy yangiliklar
Mahalliy
Oziq-ovqat narxlari tez o‘smoqda: O‘zbekistonda noyabrda 1,3 foizlik inflyatsiya qayd etildi
Mahalliy
O‘zbekistonda internetda qimor va tavakkalchilikka asoslangan o‘yinlar uchun javobgarlik belgilanmoqda
Dunyo
Sadir Japarov O‘sh voqealari bo‘yicha sudga chaqirildi