Bugun,

  • USD 11095.31
  • RUB 173.84
  • EUR 10772.44

Turkmaniston prezidenti Gurbanguli Berdimuhamedov 26-oktabr kuni Maxtumquli Firog‘iy madaniyat va istirohat bog‘i majmuasi qurilishini ko‘zdan kechirdi. Ashxobodning janubi-g‘arbiy chekkasida barpo etilayotgan majmuaning markazida shoirning 60 metrlik haykali qad rostlamoqda, deb yozadi “Xronika Turkmenistana”.

Foto: “Xronika Turkmenistana”

Foto: “Xronika Turkmenistana”

Turkmaniston bosh vaziri o‘rinbosari, agrosanoat kompleksi masalalari bo‘yicha mas’ul Esenmurat Orazgeldiyev daraxt ko‘chatlari ekish uchun ajratilgan yer uchastkalari va ko‘chatlarning turlari haqida ma’lumot berdi. Qayd etilishicha, bog‘ uchastkalarga bo‘linib, ularning har biriga alohida vazirlik va idoralar javobgar bo‘ladi.

Davlat rahbari taqdim etilgan loyiha va chizmalar bilan tanishib, qator mulohazalar bildirdi va o‘zining tegishli tuzatishlarini kiritdi.

Foto: “Xronika Turkmenistana”

Foto: “Xronika Turkmenistana”

Bosh vazirning qurilish-sanoat va energetika kompleksi nazorati bo‘yicha o‘rinbosari Chorimurat Purchekov majmuaning (umumiy maydoni 13,5 gektar) bosh rejasi, u yerda qurilayotgan obyektlarning loyiha va chizmalari, shuningdek, unga olib boruvchi yo‘llar va yoritish tizimlari bilan tanishtirdi.

Majmuaning qurilishi 2022-yilda yakunlanishi kerak, uning ochilishi esa har yili Madaniyat va san’at xodimlari kuni munosabati bilan o‘tkaziladigan Madaniyat haftaligi, shuningdek, Maxtumquli Firog‘iy she’riyati kuniga (27-iyun) mo‘ljallangan.

“2024-yilda Maxtumquli Firog‘iyning 300 yilligi nishonlanadi. Kelasi yili majmuaning ochilishi buyuk klassik shoir sharafiga ulug‘vor bayramlarni boshlab beradi. Bundan tashqari, 2024-yilni ‘Maxtumquli Firog‘iy yili’ deb e’lon qilamiz”, — dedi Turkmaniston prezidenti.

Foto: “Xronika Turkmenistana”

Foto: “Xronika Turkmenistana”

Yanvar oyida Berdimuhamedovga Maxtumquli tavalludining 300 yilligini nishonlashga tayyorgarlik ko‘rilayotgani haqida hisobot berildi. Ma’lum bo‘lishicha, 2024-yilda bo‘lib o‘tadigan yubileyga shoir hayoti va ijodiga bag‘ishlangan veb-sayt, shuningdek, elektron shakldagi “Maxtumquli Firog‘iy ensiklopediyasi” va “Maxtumquli Firog‘iy devoni” yaratiladi.

Izoh
Asosiy yangiliklar
Mahalliy
Oʻzbekistonda yashil energetika davri boshlanganiga uch yil boʻldi. Nimalar oʻzgardi?
Mahalliy
Fotoreportaj: Prezident tashrifiga tayyorgarlik ko‘rayotgan Namangan
Sport
Lionel Messi Krishtianu Ronalduning rekordini yangiladi