Qashqadaryoning Yakkabog‘ tumanida avtomobilni haydovchi ruxsatisiz jarima maydonchasiga olib ketgan YPX xodimi ishdan olindi. Bu haqda YHXBB matbuot xizmati xabar berdi.

Foto: YHXBB matbuot xizmati

Eslatib o‘tamiz, ijtimoiy tarmoqlarda keng muhokamalarga sabab bo‘lgan ushbu voqea avgust oyining oxirlarida yuz bergandi. Inspektorning xatti-harakatiga baho berish maqsadida Qashqadaryo viloyati IIB mas’ul xodimlari tomonidan xizmat tekshiruvi o‘tkazilishi belgilangandi.

O‘tkazilgan xizmat tekshiruviga ko‘ra, ushbu  inspektor xizmat faoliyati davomida intizomiy jazolanganligiga qaramasdan o‘ziga tegishli xulosa chiqarmagani, qator me’yoriy buyruq talablarini buzganligi uchun egallab turgan lavozimidan ozod etilishi bo‘yicha xulosa qabul qilingan.