Futbol bo‘yicha Yevropa Chempionlar Ligasining 2-turidan o‘rin olgan bir qator uchrashuvlar 28-sentabr, seshanba kuni bo‘lib o‘tdi.
Foto: Getty Images
Kunning markaziy bahsi “PSJ” va “Manchester Siti” jamoalari o‘rtasida kechdi. Parijliklar 8-daqiqadayoq Idrissa Guyening goli bilan hisobni ochdi. 74-daqiqada Lionel Messi “PSJ” safidagi debyut golini urgan holda hisobni ishonchli ko‘rinishga keltirdi. Qolgan vaqtda hisob o‘zgarmadi.
A guruhining boshqa o‘yinida “Leypsig” “Bryugge”ga yutqazib qo‘ydi.
Foto: Getty Images
B guruhida “Milan” va “Atletiko” jamoalari o‘zaro bahs olib bordi. 20-daqiqada Rafael Leao milanliklarni oldinga olib chiqdi. 29-daqiqada Frank Kessie ikkinchi sariq kartochkasini olib maydonni tark etdi va maydon egalari bir o‘yinchi kam bo‘lib qoldi. Madridliklar 84-daqiqaga kelib Antuan Grizmanning goli orqali hisobni tenglashtirdi. Hakam tomonidan qo‘shib berilgan vaqtda Luis Saures penaltini aniq amalga oshirgan holda “Atletiko”ning g‘alabasini ta’minladi.
Guruhning ikkinchi o‘yinida “Liverpul” klubi “Portu”ni yirik hisobda taslim etdi. Muhammad Saloh va Roberto Firmino dubl qayd etgan bo‘lsa, Sadio Mane bitta golga mualliflik qildi.
C guruhida “Borussiya D” o‘zida “Sporting”ni minimal hisobda mag‘lub etgan bo‘lsa, “Ayaks” “Beshiktosh”ga imkon qoldirmadi.
Chempionlar Ligasi onlayn jadvallari, o‘yinlar taqvimi, to‘purarlar ro‘yxati — ko‘rish.
YChL
2-tur bahslari
28-sentabr, seshanba
A guruhi
“PSJ” — “Manchester Siti” 2:0
Gollar: 1:0 – 8 Guye, 2:0 – 74 Messi.
“PSJ”: Donnarumma, Hakimi, Markinyos, Kimpembe, Mendesh, Errera, Guye (Danilu Pereyra, 90), Verratti (Veynaldum, 78), Messi, Neymar, Mbappe.
“Manchester Siti”: Ederson, Uoker, Lyaport, Ruben Diash, Joau Kanselu, de Bryuyne, Bernardu Silva, Rodri, Grilish (Foden, 68), Sterling (Gabriel Jezus, 78), Mahrez.
Ogohlantirishlar: Joau Kanselu (24), de Bryuyne (39), Verratti (77).
“Leypsig” — “Bryugge” 1:2
Gollar: 1:0 – 5 Nkunku, 1:1 – 22 Vanaken, 1:2 – 41 Rits.
B guruhi
“Milan” — “Atletiko” 1:2
Gollar: 1:0 – 20 Rafael Leau, 1:1 – 84 Grizmann, 1:2 – 90+7, penalti Suares.
“Milan”: Menyan, Kalabriya, Romanoli, Tomori, Ernandes, Kessie, Bennaser (Florensi, 81), Salemakers (Kalulu, 82), Rebich (Tonali, 34), Rafael Leau (Jiru, 57), Brahim Dias (Ballo-Ture, 57).
“Atletiko”: Oblak, Trippyer (Joau Feliks, 40), Felipe, Ximenes, Ermoso (Lodi, 46), Lyorente, Karrasko (de Paul, 46), Koke (Grizmann, 61), Kondogbia (Lemar, 64), Suares, Korrea.
Ogohlantirishlar: Kessie (15), Rebich (29), Kondogbia (60), Ernandes (69), Salemakers (79), Menyan (90).
Chetlatish: Kessie (29).
“Portu” — “Liverpul” 1:5
Gollar: 0:1 – 18 Saloh, 0:2 – 45 Mane, 0:3 – 60 Saloh, 1:3 – 74 Taremi, 1:4 – 77 Firmino, 1:5 – 81 Firmino.
“Portu”: Diogu Koshta, Markano, Fabiu Kardozu, Sanusi (Vendell, 56), Otavio (Fabiu Viyeyra, 14), Serjiu Oliveyra (Pepe, 67), Uribe (Vitinya, 56), Korona, Taremi, Toni Martines (Gruyich, 46), Dias.
“Liverpul”: Alisson, Matip, van Deyk, Robertson, Henderson (Oksleyd-Chemberlen, 73), Fabinyo, Jons, Milner (Gomes, 66), Saloh (Firmino, 67), Mane (Minamino, 67), Diogu Jota (Origi, 88).
C guruhi
“Borussiya D” — “Sporting” 1:0
Gol: 1:0 – 37 Malen.
“Ayaks” — “Beshiktosh” 2:0
Gollar: 1:0 – 17 Bergeys, 2:0 – 43 Aller.
Uchrashuvlarda urilgan gollarni bu yerda tomosha qilish mumkin — havola.
