O‘zbekistonda so‘nggi 3 yilda 58 nafar ichki ishlar organlari xodimi xizmat vazifasini bajarish vaqtida halok bo‘lgan

O‘zbekistonda so‘nggi 3 yilda 58 nafar ichki ishlar organlari xodimi xizmat vazifasi vaqtida halok bo‘lgan. Bu haqda ichki ishlar vaziri o‘rinbosari, polkovnik Bekmurod Abdullayev ma’lum qildi.

“Bir ikki holatni deb butun ichki ishlar tizimiga baho berish holatlari ham yo‘q emas. Ichki ishlar organlarida 99 foiz o‘z xizmatiga fidoyi, yurtiga sadoqatli, o‘z qasamyodiga sodiq insonlar mehnat qiladi.

So‘nggi uch yil davomida ichki ishlar organlari xodimlarining 142 nafari halok bo‘lgan yoki jarohat olgan. Shulardan 58 nafari o‘z xizmat vazifasini bajarish paytida vafot etgan”, – deydi Bekmurod Abdullayev.

Bundan avval Toshkentda qovun-tarvuz sotuvchisi va IIB xodimlari o‘rtasida janjal aks etgan video yuzasidan izoh berilgani, Chilonzorda IIBB xodimi boshqaruvidagi Cobalt YTH sodir etgani hamda Surxondaryoda profilaktika inspektorining yordamchilari IIBga olib ketilayotgan fuqaroni urib, o‘ldirib qo‘ygani haqida xabar berilgandi.