Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqlarda “Olmaliqda YPX xodimi va haydovchi o‘rtasidagi mojaro” sarlavhasi ostidagi video tarqaldi. Holat yuzasidan YHXBB ma’lumot berdi.

Kadr: Videodan skrinshot

Kadr: Videodan skrinshot

Qayd etilishicha, 2021-yilning 8-avgust kuni Toshkent viloyati, Olmaliq shahar IIB YHXB YPX xodimi T.X. tomonidan Olmaliq shahar Mirzo Ulug‘bek ko‘chasida Damas rusumli avtomobil haydovchisi to‘xtatilgan.

Tekshiruv davomida haydovchining o‘z muddatida to‘lanmagan qarzdorligi mavjudligi ma’lum bo‘lgan. YPX xodimi tushuntirish berib avtomobilni jarima maydoniga joylashini aytgan. Haydovchi avtomobili jarima maydoniga joylanmasligi uchun o‘z e’tirozlarini bildirgan. Avtomobilda bo‘lgan yo‘lovchi telefon orqali holatni tasvirga olgan.

YPX xodimi mazkur avtomobilni Ma’muriy javobgarlik to‘g‘risidagi kodeksning 291-moddasiga asosan jarima maydoniga joylashtirgan. Haydovchi qarzdorlikni bartaraf qilib, avtomobilini jarima maydonidan olib chiqib ketgan.

O‘zaro muloqot jarayonida haydovchi YPX xodimi A.I.ga nisbatan haqoratli so‘z ishlatgani uchun xodimning bildirgisi asosida tegishli hujjatlar rasmiylashtirilib, ko‘rib chiqish uchun jinoyat ishlari bo‘yicha Olmaliq shahar sudiga yuborish choralari ko‘rilmoqda.

Bundan avval Andijonda YPX xodimi hujjatlarini taqdim etishni istamagan haydovchini kamaridan tortib, “otdel”ga olib borishga uringani, Jizzaxda niqobni to‘liq taqishga majbur bo‘lmagan YPX xodimiga nisbatan xizmat tekshiruvi tayinlangani hamda Toshkentda haydovchini haqorat qilgan YPX xodimiga nisbatan xizmat tekshiruvi tayinlangani haqida xabar berilgandi.

Izoh
Asosiy yangiliklar
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Sport
O‘zbekiston amputantlar terma jamoasi futbolchilariga Cobalt avtomobillari topshirildi